تعالي معانا خدي صابون.. تفاصيل التحقيق مع مراهقين استدرجوا طفلة في الهرم

تقوم نيابة الطفل بالجيزة بالتحقيق مع مراهقين لاتهامهما باستدراج طفلة 7 سنوات وخطفها في أرض زراعية دون وجه حق بحجة إعطائها صابون سائل بمنطقة الهرم.

وطلبت النيابة تحريات المباحث حول الواقعة وظروفها وملابساتها.

في القضية التي حملت رقم 325 لسنة 2022 جنح الطفل بالجيزة، والتي تضمنت أقوال المجني عليها ووالدها والمتهمين.

ومن أقوال المجني عليها:-

قالت الضحية: "اللي حصل أن في ناس بتوع بلاستيك بياخدوا البلاستيك وبيبدلوه بصابون سائل وخدوني على الزراعة وقالولي حذاري تتحركي من هنا لحد ما نجي وبعدين أن جريت منهم وروحت البيت وقولت لبابا اللي حصل".

ومن أقوال والد المجني عليها:

"اللي حصل أنى أنا كنت في الشغل ومراتي اتصلت بي وبلغتني أن بنتي تايهة وبعدين روحت على البيت على طول ولقيت البنت في البيت موجودة وسالتها انتي كنتي فين وقالتي أن في ناس بتـوع بلاستيك بياخدو البلاستيك وبيـدلوه بصابون سائل وخدونى على الزراعة وقالو لها حذاري تتحركي من هنا لحد ما نجي وبعدين البنت خدتني على المكان اللي كانت فيه وقدرت أمسكهم واتصلت بالشرطة وجت قبضت عليهم".

ومن أقوال المتهم الأول:

"اللي حصل إني أنا شغال بلم بلاستيك ويستبدله بصابون سائل وسلك مواعين وبعدين البنت دية جت علشان تاخد سلك مواعين وصابون قولتها حاضر وخدت البلاستيك وقولتها تعالى علشان اديكي الصابون، والسلك وبعدين مشيت وبعدها بفترة الناس مسكوني وخدوني على القسم وده كل اللي حصل".

أما أقوال المتهم الثاني

أنكر التهم الموجهة له .

وتلقت مباحث قسم شرطة الهرم بمديرية أمن الجيزة، بلاغًا من والد الطفلة يعمل ترزي يتهم فيه شخصين بخطف نجلته في أرض زراعية، انتقلت المباحث الى محل الواقعة، وبعمل التحريات تبين أن الطفل 7 سنوات استدرجها المتهمين بحجة إعطائها صابون سائل، وحرر محضر بالواقعة وتباشر النيابة التحقيقات.