كشف الفنان حسام داغر، عن حالته الصحية الحالية، والذي طمئن متابعيه عنها، وهو الآن يعيش حالة صحية مستقرة، وذلك عن طريق تعليقاً له من خلال حسابه الشخصي على موقع التواصل الاجتماعي "فيسبوك".
وكتب: الحمد لله خرجت من المستشفى رجعت البيت بقيت احسن الحمد لله طلبوا مني متابعة الضغط و اقيسه كذا يوم لتحديد السبب بشكر كل صحابي اللي جم المستشفى اطمنوا عليا عامر وحمزة العيلي ووحيد وإبراهيم نور وأمنية وأمير الحديدي وعبد الوهاب واختي سهي وريهام و كل اللي قلقتهم أخواتي محمد ونهي وأحمد ودكتور أحمد سمير وعلي وكل اللي اتصل بيا وردوا عليه و كل الي كتبولي واطمنوا عليا وادعولي دعواتكم هي اللي خلتني أحسن أنا بس موضوع الضغط ده جديد عليا و شكلي كده دخلت نادي بتاعه علي راي سما ابراهيم صديقتي بشكرك و بشكر كل الي اطمنوا عليا وكتبولي لو أقدر هشكر واحد واحد بس دكتور طلب مني الراحة يومين و الابتعاد عن الموبيل و التوتر و تنظيم الأكل واشرب ميه كتير لأني فعلا كنت مهمل فيها جدًا.. خلوا بالكم من نفسكم ويا رب متشوفوش وحش ابداً فيكم أو في حبايبكم.
وعلق حسام داغر من خلال حسابه الرسمي" فيسبوك"، منشورًا يوضح فيه عدم رضائه عن شخصية "رجب" التي يلعبها في الموسم الثالث وهي استكمال للموسم الثاني، بعد ما كان متحمسًا للدور من قبل ووعد الجمهور بمشاهدة كوميديا جيدة.
وأضاف: "أنا بحب شيكو جداً، وبحب كاست اللعبة كله بشكل عام، بس أنا مش مبسوط من دور رجب معاهم الجزء ده بسبب إنه كان امتداد لدوره في الجزء الثاني ووافقت علي الجزء الجديد علي كلام ووعد من المجموعة إن دور رجب مكمل بسبب النجاح اللي حققته الشخصية قبل كده وأنا صدقت ودخلت تصوير علي أساس ده وكان معانا عدد حلقات قليل".
واستكمل:" لكن لقيت النتيجة ان بسبب مشاكل انتاجيه الدور متشال و تواصلت مع المؤلف و فريق الكتابة و قلت لهم بالنص لو اعرف مكنتش دخلت تصوير من الاول … لكن انا مش زعلان لان الحمد لله الناس عارفه كويس مين حسام و عارفين شغلي عامل ازاي قبل كده و في نفس الوقت انا كنت متحمس لما شيكو قالي انت احلي حاجه حصلت معايا في الجزء الي فات انا حبيت بس اشاركم الي حصل خصوصاً ان دي اول مره تحصل معايا .. لكن لسه الواحد بيتعلم و هيفضل يتعلم".
المسلسل بطولة شيكو، هشام ماجد، مي كساب، أحمد فتحي، عارفة عبد الرسول، ميرنا جميل، محمد ثروت، سامي مغاوري، تأليف أحمد سعد والي، إخراج معتز التوني.
تابعوا أخبار بلدنا اليوم على Google News
