محمد صلاح مع صاحبة السعادة: «نمت على الأرض عشان مارجعش البيت»

تحدث النجم المصري لاعب ليفربول الإنجليزي محمد صلاح مع صاحبة السعادة في اللقاء الخاص، في الحلقة الثانية التي أجرتها إسعاد يونس مع نجم مصر.

وقال "صلاح" عن أكثر شخص كان مؤمن بموهبته وكان داعم له طوال تلك السنين: ”والدي هو أكتر حد كان مؤمن بموهبتي.. والدتي كانت بتخاف عليا وكانت بتدعمني بردوا لكن والدي كان مهتم أكتر”.

وكشف "صلاح" عن أصعب موقف مر عليه في مشواره وقال: ”اقترح عليا زميلي في النادي أننا نروح عند خاله بدل ما نرجع الغربية في البيت، ولكن اتصدمنا في الآخر ومروحناش عند خاله، وقررنا ننام في الاستراحة في النادي اللي بنتمرن فيه”.

وأضاف: ” نمت على الأرض وفرشت حاجه كده نمت عليها لحد الصبح وصحيت قبل ما التمرين قبل مايبدأ “.

وفي حديثه عن ناديه الماضي: ” نادي المقاولون العرب هو أفضل قطاع ناشئين في مصر”.

واستعرض "صلاح" في حديثه عن وجباته في أيامه العادية وقال أكلي عبارة عن سلطة وجنبها أي حاجة.. رز أو بروكلي”.

وأضاف: ”بحس بالذنب لما باكل فطير مشلتت “.

واستكمل: ”الأكل بتاعي محدد وبنعمل الأكل أنا وماجي زي بعض ومعود مكة وكيان على نفس الأكل.. لكن مكة بتتخانق معايا دايما بسبب الشيكولاتة”.

كما قال نجم منتخب مصر ونادي ليفربول الإنجليزي، محمد صلاح خلال لقاءه مع الإعلامية إسعاد يونس إنه أثناء لعبه مع المنتخب المصري يشعر بالفخر: “احلى إحساس في الدنيا لما بلعب مع لمنتخب المصري”.

واستعرضت صاحبة السعادة تقريرًا مصور لمحمد صلاح خلال لعبه مع المنتخب المصري، وذلك مع غناء الفنانة شادية بأغنية “ياحببتي يامصر”، مستقبلته بالمكسرات والأرز باللبن