يحيي الفخراني يكشف كواليس تقديمة لسلسة قصص الآيات في القرآن للأطفال

تحدث الفنان الكبير والدكتور يحيي الفخراني، عن كواليس تقديمة لسلسة قصص الآيات في القرآن للأطفال، موضحا أنه كان يقدمها للمسلمين والمسيحيين.

وقال يحيي خلال لقائه مع الممثلة والإعلامية إسعاد يونس في برنامجها صاحبة السعادة عبر شاشة DMC: أنا لما شوفت قصص القرآن حسيت أني لازم أعملها ومينفعش أعتذر عنها، وكان شرطي الوحيد في الأول أن يجي حد متخصص وقارئ يقرأ الآيات في الحلقات.

وواصل: وكنت بجمع أحفادي وقرايبنا اللي في نفس العمر مسلمين أو مسيحيين، ولاحظت أنهم ساعة قراءة آيات القرآن بيبقوا مشدودين جدا، وقررت بعد كدا أنا اللي هقول القرآن بس يكون معايا حد متخصص بيصحح لي، وعملت كدا واتفرجوا بشكل مختلف.

وأضاف يحيي الفخراني: لأنهم أول ما بيلاقوا قارئ بيشعروا أن دا القرآن بتاع الكبار اللي في الردايو، وانا بقيت أقرأ القرآن بإحساس مختلف، وبقى يتفهم أكتر وأحلى ومفهوش تجويد القرآن اللي متعودين عليه في الراديو، وحبيت أكمل كل القصص بنفس الطريقة.

قدم يحيي الفخراني مسلسل قصص الآيات في القرآن للأطفال، والذي يتناول قصص القرآن الكريم وقصص الأنبياء بشكل مبسط يفهمه الأطفال، والمسلسل من إخراج مصطفى الفرماوي، وحوار محمد بهجت، وشارك العديد من النجوم في المسلسل، من بينهم سوسن بدر، ماجد الكدواني، ريهام عبد الغفور، فيدرا، هند صبري، ونهال عنبر.