رانيا يوسف تثير الجدل: "مفيش حاجه اسمها ولد وبنت"

كشفت الفنانة رانيا يوسف عن سبب دعمها المستمر لمختلف القضايا المتعلقة المراة، وعن كيفية التفرقة بين البنت والولد في الملابس وغيرها من الأمور.

وقالت يوسف: انا بحاول اساعد بحاول انور منطقة معينة عشنا فيها خوف طول الوقت، ان الست متتكلمش والبنت متعملش الولد اه البنت لا, انا بحاول اقول ياجماعة مفيش حاجه اسمها ولد وبنت فى حاجه اسمها بني ادم.

واضافت: تعاملوا معانا كبني ادمين زي ما بتدي لنفسك الحق اديني الحق وانا اقرر اعمله والا لا فى الاخر لكن متحجرش على تفكيري، متحجرش على لبسي متحجرش على تصرفاتي ، انا حرة انا بني ادم ربنا خلقني حرة اقرر وعندي الاهلية الكافية فى دماغي اننا ست عاقلة اعرف اغلط وارجع امتا فى الغلط واعمل حاجات صح زي كل الناس واتعلم من اخطائي انا حرة.

وتابعت:من حقي اني اغلط لاني بني ادم وارجع فى الغلط او مرجعش على حسب ، كلنا امهات ايه الي اللي انتي متربيه عليه وطلعتي بتدفعي تمنه هو دا اللي بتخحاولي متدهوش لاولادك خاصة لو عندك بنات، البنات فى البلاد العربية مقهورين طول الوقت ومابيخدوش حقوقهم.

واختتمت:دلوقتي على الاقل فى حد بيسمع الاول لا انتي مش من حقك صوتك يطلع ،اتعلمت فى مدرسة رهبات وقبل ما اتكلم لازم ارفع ايدي بخوف وقلق.

على جانب اخر يعرض لرانيا يوسف هذه الأيام الجزء الرابع من مسلسل "الآنسة فرح" الذي تشارك في بطولته مع مجموعة كبيرة من الفنانين منهم أسماء أبو اليزيد وأحمد مجدي وعارفة عبد الرسول وهبة عبد العزيز وتامر فرج.