دلال عبدالعزيز تتحدث عن الموت قبل رحيلها (فيديو)

شكل خبر وفاة الفنانة دلال عبدالعزيز، اليوم السبت، عن عمر ناهز الـ61 عاما، صدمة كبيرة لمحبيها وللوسط الفني.

وتحدثت دلال عبد العزيز، قبل نحو 3 أعوام عام 2018، ضيفة على برنامج "معكم منى الشاذلي" عبر قناة "cbc"، خلال اللقاء عن الموت، وقالت: "والدتي علمتني من وأنا صغيرة أن العزاء واجب، كانت تقولي طنشي لو في فرح مش مهم أوي لو مشغولة، لكن العزاء لأ، لدرجة أن سمير غانم مسميني عزا عبد العزيز".

أضافت: "أنا لما بقرا حادثة أو حد فقد ابنه أو بنته ببقى عايزة أروح أعزي وأنا معرفوش، وبناتي اتعلموا مني، هي دي الأصول، أنا اتربيت في الزقازيق أن التليفزيون يتقفل لو حد مات حتى لو مش قريبنا، كان زمان الموت قليل عن كده، دلوقتي الموت بقى كتير أوي، كنا فين وفين لما بنسمع أن حد مات، وأنا دايما بتحضرني مقولة مهمة، وهي إذا مات الأب مات البني آدم اللي الناس بتكرمك عشانه، وإذا ماتت الأم مات البني آدم اللي ربنا بيكرمك عشانه".

اختتمت باكية: "أنا دايما كانت جدتي تدعي وتقول ربنا يديني عمري على قد صحتي، الناس الكبيرة بيبقوا بركة في البيت، الأستاذ أنيس منصور قالي أنا محستش إني كبرت غير لما أمي ماتت، وأنا أمي هي اللي ربت دنيا وإيمي".