مفاجأة.. نص تحقيقات النيابة العامة في "طفل المرور"

كشف نص تحقيقات القضية رقم 19133 اسنة 2020 جنح البساتين والمقيدة برقم 133 لسنة 2020 حصر تحقيقات جنوب القاهرة، والمعروفة إعلاميا بقضية "طفل المرور".

وخلال التحقيقات واجهت النيابة المتهم أحمد أبو المجد الشهير بـ"طفل المرور" بـ 4 صور يحمل فيها أسلحة بيضاء، فأجاب المتهم قائلا: "الصور دى انا متصورها فى محل بلايستشين وانا ماسك سلاح ابيض والجراب بتاعه، ودول ملك صاحبي عز جمال وسيف صلاح واساميهم بالكامل ومعرفش ساكنين فين، وكنت ماسكهم أتصور بيهم عشان كان شكلهم جامد، والصورة اللى ماسك فيها سلاحين ابيضين، دي اتصورتها وانا ماسك بايدي الشمال سلاحين وانا ساعتها كنت سايق عربية واحد صاحبي الفولكس، ودول بتوع سيف وعز اللى قولت عليهم".

ووفقًا لنص التحقيقات، أنكر المتهم اتهامات التهكم على امين الشرطة وصدمه بالسيارة قائلا: "أمين الشرطة هو سألنى على الرخص وبعد ما خبط برجله على العربية أنا مسخرتش منه ولا حاجة ولما اتحركت بالعربية كان خبط العربية، وأنا مخبطوش بالعربية ولما روحناله على رجلينا مشتمتوش وانا فعلا هددته عشان كنت مضايق انه كسرلي مراية العربية ورفع رجله ناحية وشي وفعلا انا قولتله كده بقصد انى محمى من ابويا عشان هو رئيس محكمة عشان قولت له العربية عليها حصانة وميعرفش يعمل معايا حاجة".

وأضاف المتهم: "محصلش انى اعتدت انا واصحابي ارتكاب مثل تلك الوقائع مستغلين وظيفة والدي، ووالفيديو بتاعي وانا فى الساحل مشتمش ساعتها امين الشرطة وكنت بهزر معاه، وانا فعلا سوقت عربية بابا من غير رخصة العربية وانا مش معايا رخصة قيادة عشان صغير فى السن بس موضوع الامين احنا مش متعودين عليه وانا منشرتش اى فيديو ما عدا البث المباشر هو الحاجة الوحيدة اللى انا نشرتها على الانستجرام".

وقال المتهم اثناء مواجهته باتهامات التعدي على المبادىء والقيم الاسرية فى المجتمع المصري وانتهاك حرمة الحياة الخاصة ونشر صور ومقاطع مرئية عن طريق الشبكة المعلوماتية وعن طريق موقع التواصل الاجتماعي وباحد تقنية وسائل المعلومات تنتهك خصوصية المجتمع المصري والمجنى عله محمد فوزى جادالله بان تضمنت تلك المقاطع الفاظ وسباب خادشة للحياء وخادشة للمبادىء الاسرية:

"انا كنت بشتم الناس اللي كانت بتشتمنى وبالنسبة لامين الشرطة انا اعتزرت له بعدها ووالحاجة الوحيدة اللى نشرتها البث المباشر، وانا اتهامات استخدام حساب خصا باحدى مواقع التواصل الاجتماعي انستجرام وفيس بوك وذلك على شبكة معلوماتية بهدف ارتكاب جريمة يعاقب عليها القانون بتوجيه الفاظ السباب والتنمر على امين الشرطة، انه فيديو امين الشرطة مش انا اللى نشره وبالنسبة للايف على انستجرام ده كان ناس بتشتمني وانا كنت برد عليهم الشتيمة".

وأضاف المتهم: "انا مكنش قصدى استهزاء بأمين الشرطة وانا كنت مضايق منه علشان كسر مراية العربية وحاول لما رفع رجله يضربني، وانا فعلا شتمته وفعلا هددته عشان انا محمي من ابويا لما قولتله ان العربية عليها حصانة وميعرفش يعمل معايا حاجة علشان رد فعله لما رفع رجله وحاول يضربني فى وشي، وانا مضربتوش ده انا كنت حاطط ايدي على ذراعه بخليه ينتبه ليا لما قولتله اسمك ايه، وبخصوص انى سرقت السيارة فانا مسرقتش حاجة ده عمو وائل مربيني وزي ابويا والعربية دى بتاعته، وبخصوص الاسلحة البيضاء انا فعلا كنت ماسك سلاح ابيض فى الصور اللى موجودة على تليفوني بس الاسلحة دى مش بتاعتي انا كنت عايز اتصور بيه عشان شكلها حلو".

إقرأ أيضًا..

جريمة بشعة .. أم تقتل نجلها بالسكين

بعد رفعها دعوى خلع للضرر.. إدانة سيدة بسرقة أموال زوجها