"ارفعي راسك واضحكي".. ياسمين غيث توجه رسالة خاصة للبنات

شاركت الفنانة ياسمين غيث، جمهورها منذ قليل، بصورة جديدة في أحدث ظهور لها، وذلك من خلال حسابها الشخصي بموقع الصور والفيديوهات الشهير إنستجرام.

وعلقت ياسمين غيث على الصورة قائلة: "ارفعي راسك، اضحكي براحتك، اتكلمي علشان عندك صوت حلو ومسموع.. حتى لو صوتك وحش اتكلمي برده.. ماتخافيش من أهلك، ما تخافيش من فكرة "الناس هيقولوا عليا إيه".. هما كدة كده بيقولوا فمش مهم أبدًا هما رأيهم إيه، علشان هما مش إنتي، ماعدوش باللي عديتي بيه، ولا شافوا اللي شوفتيه.. مش بتكلم عن التحرش بس، لأ بتكلم عامة".

وأضافت : "إحنا لينا صوت، وصوتنا مسموع، إحنا بنصنع بني آدمين بقدرة ربنا "جوانا ولما بينفصلوا عننا" ، إحنا بنخلي المستحيل "طبيعي وعادي".. ولما بنعوز نعمل حاجة بنعملها.. إحنا بنعرف نعمل ميت حاجة في نفس الوقت، وما بنشتكيش.. إحنا معجزة ماشية على الأرض".

وقالت مازحة: "وآه... أخيرًا غيرت لون شعري يا جماعة!".

يذكر أن آخر أعمال الفنانة ياسمين غيث كان مسلسل "رحيم"، من تأليف محمد إسماعيل أمين، وإخراج محمد سلامة، وبطولة مجموعة كبيرة من الفنانين من بينهم النجم ياسر جلال ونور اللبنانية ومحمد رياض وطارق عبد العزيز ودنيا عبد العزيز وأحمد السقا وحسن حسني وإيهاب فهمي وصبري فواز.

_____ إرفعي راسك، إضحكي براحتك، إتكلمي علشان عندك صوت حلو و مسموع...حتي لو صوتك وحش إتكلمي برده 😄 ماتخافيش من أهلك، ماتخافيش من فكرة "الناس هيقوله عليا إيه"...همه كدة كدة بيقولوا فمش مهم أبداً هم رأيهم إيه، علشان همه مش إنتي، ماعادوش باللي عديتي بيه، و لا شافوا اللي شوفتيه...مش بتكلم عن التحرش بس، لأ بتكلم عامتاً... إحنا لينا صوت، و صوتنا مسموع، إحنا بنصنع بنيأدمين بقدرة ربنا (جوانا و لما بينفصلوا عننا)، إحنا بنخلي المستحيل "طبيعي و عادي"...و لما بنعوز نعمل حاجة بنعملها... إحنا بنعرف نعمل ميت حاجة في نفس الوقت، و مابنشتكيش... _____ إحنا معجزة ماشية علي الأرض ✌🏾 _____ و آه....أحيراً غيرت لون شعري يا جماعة! 🤝🏾😂 A post shared by 🗯وندر وومان-aka-ياسمين غَيْثْ🗯 (@yasmineghaith) on Jul 14, 2020 at 1:54am PDT

ياسيمن غيث: الأسر تبرر التحرش تحت هذا المسمى

قالت الفنانة ياسيمن غيث، إن قضايا التحرش التي أثيرت مؤخرًا تسببت في نوبة إفاقة وصحيان للجميع، قائلة "إحنا سكتنا على حاجة ماينفعش نسكت عليها اللي حصل ده فوقنا كلنا وخضنا".

وتابعت ياسمين، في مداخلة عبر تطبيق "زووم" عبر برنامج "القاهرة الان" المذاع على فضائية العربية الحدث، الذي تقدمه الاعلامية لميس الحديدي، قائلة: "طول عمري ماشية خايفة وانا نازلة الشارع بفكر هلبس إيه بفكر مليون مرة.. أبويا وأخويا دايما يقولولي ماتلبسيش ده وإلبسي ده لان المكان الي إنتي رايحاه فيه مشكلة وفيه شباب.. لحد ماتعبت وماصدقنا نتكلم".

وأكملت أنه :"عشان إحنا فنانات والناس شايفانا شفت ضروري إننا نتكلم ونشجع الكل يتكلم ويكافح الظاهرة المتفشية.. لو فضلنا ساكتين الناس كلها هتتظلم عشان كده قررت اتكلم وافيد الناس وحكيت تجربتي مع التحرش".

وسردت غيث، قصتها التي بثتها عبر مقطع فيديو على منصة " إنستجرام "، قائلة :"حصلتلي حادثة وأنا فى تانية ثانوي اذيتني وعشان كدة انا فكراها لغاية دلوقتي المدرس كان بيدرسلي كيمياء كان سبب اني اكره المادة والمدرسة كان من النوع اللي بيلمس بطريقة مش مريحة وبيعمل ده مع اي بنت وكان معروفا ومحدش خد معاه اي إجراء لأنه كان في منصب كبير فى المدرسة ولما حاول يمسكني بطريقة مش مريحة مسكتش وهزقته.

وأشارت إلى أن ما ساعدها وقتها صداقة والدتها ووالدها وأنها دعمتها وتوجهت معها لتحرير شكوي قائلة "عمرهم ماخوفوني اني احكيلهم حاجة مهما كانت وعايزة اسال سؤال هوا ذنب البنت إيه لو حصلها تحرش أو إغتصاب؟ هي مش غلطانة وعاوزة أققول لكل أولياء الامور صاحبوا بناتكم وإسمعوهم عشان يبوا اقويا كفاية انهم يحكلوا ليكوا مشاكلهم وياخدوا افعال تخلي المذنب ياخد عقابه".

وعلقت غيث على تبرير التحرش السائد الان على منصات التواصل الاجتماعي قائلة " حاجة بشعة.. وأنا بشوف تعليقات سخيفة سخافة مش طبيعية.. الفيديو الي انا عملته أخد شير كتير ولما كنت بشوف تعليقات الي مشير كنت بشوف كلام غريب زي بيتكلموا ليه؟ وعاوزة أققلهم بتبرر التحرش ليه؟ البنت لابسة ولا قالعة مايخصكش.. ليه انت كولد مش بتمشي خايف وبتفكر تلبس ايه؟ لأن مافيش بنت بتفكر تغتصب ولد".

وعزت غيث ظاهر التبرير لكون ثقافة الاسر المصرية بنسبة 80% يعطي الحق للشباب للتحرش في ثوب مايسمونه "المعاكسة اللطيفة".

أقرا ايضًا:

ياسيمن غيث: الأسر تبرر التحرش تحت هذا المسمى

لقاء سويدان تعلن عودتها بمسرحية "سيد درويش" مع ميدو عادل