تعافي مذيع الراديو عمرو صالح من فيروس كورونا.. تفاصيل

أعلن مذيع الراديو عمرو صالح عن تعافيه من فيروس كورونا، وذلك من خلال حسابه الشخصي بموقع التواصل الإجتماعي فيس بوك.

وكتب عمرو صالح، قائلا:" النهاردة بعد الأشعة و التحاليل الحمد لله أتأكدت أنى خلصت من الضيف الرخم اللى جه و خد راحته عندي شويه عندى عدت على خير الحمد لله يارب.. شكرا لكل واحد أهتم و سأل.. شكرا لكل واحد قدم لى دعم ولو بكلمه و الكلمه أهم حاجه فى الوقت ده.. شكرا لكل صديق حقيقي بان معدنه فى الفترة دي...شكر كبير جدا لوزير الإعلام أسامة هيكل على اتصاله و إنه يطمن على كل الأعلاميين... وربنا إن شاء الله يقومه بالسلامة قريب".

وتابع: "كل الشكر للدكتورة الشاطرة إللي بجد ربنا يكتبلها كل حاجه حلوة دكتور رحاب .. إللي كانت متابعه حالتى فى المستشفى لغاية النهاردة من غير ملل ولا تعب..ربنا يحفظك يا دكتور وشكر خاص جدا لدكتور دياب صديقي اللي كان متابع معايا من التليفون حالتى من قبل المستشفى و كان دايما بيطمني".

وشارك متابعيه خلاصة شهر كورونا وكيف تعامل مع الفيروس، قائلا:"و أنت بتكتب بوست مليان طاقة سلبيه و ندب.. خد بالك إن ناس كتير عندها كورونا بتقراه فالحاله النفسية عندهم مش ناقصه (الحالة النفسية مهمه بنسبة 50٪ فى العلاج).

وأضاف:" أقسم بالله أكتر ناس تعبت و بتتعب و هتتعب دلوقتي الدكاترة و التمريض و عمال النضاف فى المستشفيات (على قد ما تقدروا أدعموهم ولو نفسيا) صحاب المدرسة مهما عدى الوقت هيفضلوا صحاب معدنهم أصيل فى الأزمة دى لو لا قدر الله دخلت مستشفى هتطلع بصحاب حقيقيين منها لأن حالتكم كانت وآحده و كنتم داعمين نفسيا جدا لبعض و عديتوا الأزمة مع بعض متصدقش الأخبار المحبطه إللي ماليه الفيس بوك.. صدق إللي تشوفه بعنيك... أقسم بالله الفيس بوك و غيرة ما هو إلا خدعه لو حسيت بأى وجع بسيط أستشير دكتور حل الموضوع في أوله أسهل ما بتسيبه بيكبر".

واختتم رسالته، قائلا:"متخفش كورونا مش بعبع أوى كده زى ما الناس خايفه والدليل حالات الشفاء العاليه إللي بيسأل الشباب بتموت منه .. فهقولك أنى سألت الدكتورة و قالتلي أن نسب التعرض لكمية الفيروس هى إللي بتفرق فى الشفاء... علشان كده الكمامات حتى لو خالطت حد بتقل من الرزاز.. فالو لا قدر الله حتى خدت الفيرس فهيكون بنسبه قليلة.. ف هيجيلك بأعراض خفيفه و يعدى و أخيراااا.... من ساعة ما بنتولد ربنا كاتب لكل واحد هيعيش اد إيه في الدنيا بالثانيه... فا كورونا ما هو إلا سبب لانتهاء وقتك فى الأرض.. متخفووووش و هتعدي قريب إن شاء الله."

أقرا ايضًا:

9 ملايين مشاهدة لـ كليب محمد رمضان فيروس" في أقل من أسبوع

بـ"اللوك البدوي".. فيفي عبده تشعل السوشيال ميديا (صور)

الطبيب المعالج لرجاء الجداوي يكشف حالتها الصحية

قال الدكتور محمد خالد، الطبيب المعالج للفنانة رجاء الجداوي، إنه عندما أصيب بالسعال وارتفاع درجة الحرارة، قام بإجراء التحليل الخاص بالكورونا، فتبين إصابته بالفيروس، لافتًا إلى أنه يتناول الآن برتوكول وزارة الصحة، وحالته في تحسن.

وتابع "خالد"، خلال مداخلة هاتفية مع الإعلامي سيد علي، ببرنامج "حضرة المواطن"، المذاع على فضائية "الحدث اليوم"، مساء الثلاثاء، أن أي شخص إصابته بسيطة بفيروس كورونا، عليه أن يعزل نفسه في المنزل، ويتناول برتوكول وزارة الصحة.

ولفت إلى أن أسرته بحالة جيدة بفضل الله، ولم يصابوا بالكورونا، وهذا يرجع إلى إقامته الدائمة في المستشفى، وعدم مخالطته لأسرته.