أكد الإعلامى تامر أمين، إنة رفض الاشترك فيما أسماه "المهزلة" الإعلامية والسياسية التي حدثت بعد ثورة 25 يناير 2011 ، قائلا "بعد الثورة اتقال تامر أمين خلاص راحت علية، ولكن الأيام أثبتت حسن موقفي، والدليل إنى اشتغلت فى أهم القنوات مثل قناة الحياة، والآن النهار".
وأضاف أمين، خلال برنامج "شيخ الحارة"، مع إيناس الدغيدي، على قناة القاهرة والناس، "برنامج وائل الإبراشى على التليفزيون جيد"، وأضاف ساخرا، "وائل بيقدم التوك شو بتاع التليفزيون المصري علشان ساكن جنب التليفزيون، متابعا، "التليفزيون ده بيتى وبتشرف بية، والاتصال كان مفتوح مع المسئولين طول السنين اللى فاتت للعودة، ولكنى كنت بشوف أن العودة لابد أن تكون على مستوي "البيت بيتك" لأن الناس هتقارن.. وبرنامج وائل الإبراشى مش زي البيت بيتك .. البيت بيتك ماجاش زيه".
وتابع أمين، هناك الكثير من الإعلاميين أقول لهم "اقعدوا فى البيت"، لأن منهم اللى مش إعلامى أصلا، ولكن لن أذكر أسماء.
وعن هجومة على الفنانة شيرين، قال تامر أمين، "شغلتى غير شغلة شيرين عبد الوهاب، وهى فى الغناء عظيمة، ومن أفضل الأصوات اللى جت فى مصر ، ولكن ده مالهوش علاقة بهجومى عليها .. أنا لما بدخل الاستوديو بنسى كل حاجة .. قمة المهنية إنى أنسى صداقتي للأشخاص على الهواء".
وعن علاقته بالفنان محمد رمضان وهجومة المستمر علية، "مش حقيقي إني بهاجم رمضان علشان أستفز جمهورة ويتابعونى.. رمضان عندة كنز وثروة بيضيعها بإيده، وبستخسر اللى هو بيعملة .. وولادي مابيتفرجوش علية."
تابعوا أخبار بلدنا اليوم على Google News
