هاجم الإعلامي عمرو أديب العائدين من الكويت ممن انتقدوا الأوضاع في المدن الجامعية قائلًا: "اللي متضايق ميجيش دي بلدنا ودي ظروفنا.. اللي جاي يقعد مجانًا ده المستوى اللي متوفر ولو عايز تروح مرسى علم ادفع.. هو إنتوا راجعين على سويسرا.. واللي مش عاجبه يا نحلة لا تقرصيني ولا عايز عسل منك؟".
وتابع خلال برنامج "الحكاية" المذاع على قناة "إم بي سي مصر": "كان نفسي أعملك واي فاي ومطاعم 24 ساعة شغالة بس هي دي ظروفنا إنما تعملوا فيديوهات وتبعتوها للجزيرة كده غلط بقى وإيه اللي جابكم؟".
وأكمل: "لولا الملامة كنت قلت للطيارة اللي جابتكم ترجعكم ومعلش ملحقناش نبني لكم قصرين تلاتة" ، مشيرًا إلى أن المدن الجامعية ونزل الشباب يستخدمها الطلاب وأبناء المصريين.
واستطرد: "لو المنظر مش عاجبكم مكنتوش جيتوا.. مفيش بلد وسط الهم ده يتعمل فيه كده.. كنت أنتظر من الناس اللي رجعت تقول متشكرين.. وفي الحقيقة وقفت مصر بشجاعة ورجولة وقالت مش هسيب ولادي.. هي البلد دي هتفضل ملطشة من عيالها لحد إمتى.. أرجوكم نحس ببعض وبالبلد".
ولفت إلى أنه يجب على الجميع إدراك أن البلد يمر بأزمة اقتصادية بسبب كورونا، مؤكدًا: "فيه ناس كتير من اللي جايه عندهم كورونا".
اقـــرأ أيضًا:
الأرصاد تعلن حالة الطقس المتوقعة اليوم الأحد 10 مايو 2020 عاجل.. أنباء عن مقتل رئيس مخابرات حكومة الوفاق الليبية
تابعوا أخبار بلدنا اليوم على Google News
