شارك الفنان وائل عبد العزيز شقيق النجمة ياسمين عبد العزيز، جمهوره منذ قليل، منشور جديد يبحث عن فرصة عمل، وذلك من خلال حسابه الشخصي بموقع التواصل الإجتماعي فيس بوك.
وقال وائل عبد العزيز " أنه يبحث عن فرصة عمل وكتب : " اسئلة مهمة للساده الزملاء الأفاضل ... !!
الأول سلامة عليكو وكل سنة وحضرتكم طيبين وناجحين ورمضان كريم ..أنا اشتغلت مع أغلبية الأساتذة الأفاضل المحترمين أكتر من مره من ممثلين ومخرجين ومنتجين وكذا صحفيين في حوارات صحفية عديدة وموزيعين".
وأضاف :" هل حضراتكم شوفتوا مني حاجه وحشه ...!؟ هل عمري دخلت لشخص بواسطه أو باسم .. هل عمري اتأخرت في مره عن شغلي ...!؟ هل عمري ضايقتك زميل أو زميلة ...!؟ هل تعديت حدود آداب المهنه....!؟ هل أنا ممثل مش كويس ....!؟ وأخيرا هل مثلا تعاديت حدود الأصول علي ممثلة أخت زميل ليا .. !؟"
واستكمل :" أظن حضراتكم عارفين الاجابة كويس لان أنا عمري ما صدر مني شكوي ... وأنتم نفسكم طلعتوا عليا الجدع ابن البلد .. طيب أنا مبشتغلش ليه دراما بقالي سنتين ....!؟ وليه الأستاذه المنتجين لموسم رمضان متجاهليني تماما !؟ وهل يا تري ده ليه علاقه بالمشاكل الشخصيه.. ولو له علاقه أحب افهم ليه ...؟! وهل لو كنت وافقت علي طلاق ووافقت علي جواز تاني كان زماني بشتغل؟"
واستكمل :" أنا اظن أني معنديش مشاكل غير الي باينه للناس كلها .. وعلاقتي بالأستاذ المحترم تامر مرسي كويسه من سنين طويلة كثيره وكان أول المحترمين إلي وقف جنبي من أكتر من ١٣ سنه في دور طويل في مسلسل بره الدنيا للنجم شريف منير علي الرغم أن عدد أعمالي في الشركه الأم الحاضنة للدراما المصرية" سينرجي " لا يتعدى ٣ أعمال " .
وتابع :" أما علاقتي بالأستاذة المخرجين الحمد لله كلهم صحابي وناس محترمه مفيش بيني وبينهم غير كل خير .. وبالفعل أحدث كلمه من أكتر من مخرج السنادي علي المشاركه في أعمال ٢٠٢٠ وللأسف لم يحدث شيء "
واختتم كلامه :" وماظنش إن عندي مشاكل أمنيه مثلا أو مطلوب للعدالة .. يا ناس أنا ليا جمهور وكبير الحمد لله وعدد الجوايز ١٧ جايزه من محافظات مصر كلها .. ياريت حد يرد عليا بعد اذن حضراتكم .. وياريت لو في حاجه انأنا ا جاهز أحلها لان كده ميرديش ربنا وقف الحال ده ... وشكرا".
أٌقرا ايضًا:
شاهد.. مسلسل 2 في الصندوق الحلقة 10 ومواعيد العرض والقنوات الناقلة
بعد ارتباطها بـ"أبو هشيمة".. من هو طليق ياسمين صبري وماذا يعمل؟
تابعوا أخبار بلدنا اليوم على Google News
