وجه الفنان وائل عبد العزيز رسالة إلى فنان مجهول لم يفصح عن هويته .
وكتب وائل عبد العزيز عبر حسابه على الشخصي على موقع التواصل الاجتماعي "فيسبوك"، قائلًا: "بص هقولك طريق أسهل بكتير من الي أنت واخده عشان تشتهر وتمثل وربنا ينفخ في صورتك ويمكن تنجح لأن التمثيل مش حواجب وعين مبرقة ونبرة صوت واحده في كل الأدوار".
وتابع وائل عبدالعزيز: "خد ورشة تمثيل واقرأ كتاب لغة الجسد وشوية في علم النفس وده الطريق الوحيد إنك تتعلم حاجة بدل ما أنت قارف ولاد الناس وبتركب على رقبتهم عشان توصل، صدقني دي نصيحة عشان صعبان علّيا من تعليقات الناس ... فكر واعمل الي بقولك عليه"
وكان الفنان وائل عبد العزيز، قد وجه رسائل صادمة لشقيقته النجمة ياسمين عبد العزيز، أرسلها عبر صفحته الشخصية بموقع التواصل الاجتماعي "فيسبوك"، قال فيها: بصى يا ياسمين يا عبد العزيز يا أختى، أنا معاكى وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، لكن هنهرتل وتروحى تعرفى واحد أصغر منك بـ10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، انتى مقاطعة كل العيلة عشان تعملى اللى على مزاجك، احنا دلواقتى وعايزين نفهم العلاقة دى ايه و رايحه على فين؟".
وتابع حديثه موجهًا تحذيرًا للعوضي: "أما بالنسبه للأخ الي ماشي وراكي في كل حته وشايفك البيضه الدهب الي هتفقسله كل يوم احب أقولك يا راجل لما تيجي تدخل بيت تدخله من بابه يا راجل !! وتقعد مع رجاله البيت !!..دي الأصول وده الاحترام".
وانتشرت "سكرين شوت" لرد الفنان أحمد العوضي على وائل عبد العزيز، شقيق ياسمين، ولكن بالبحث على صفحته الشخصية، على الفيس بوك، لم يكن البوست موجود، ما جعل البعض يفترض بأنه حذفها، أو كونه بوست مزيف نسب إلى العوضي.
ورد العوضي على شقيق ياسمين، بحسب المنشور: "أنهي بيت اللي أدخله من بابه.. إن كانت هي اللي بتصرف عليك وعلى أبنك اللي مخبيه وراميه وهي بتدفعله مصاريف مدرسته .. باب إيه يابني أدخله هو أنا شفت راجل واقف جنبها.. دي واحده انت مبتعملش حاجه غير إنك بتستنزفها هي ومامتها".
وتابع: "باب إيه يابني اللي هدخله من بابه وأكلم واحد بيتكلم على عرضه ولحمه قدام الناس.. يابني أنا من عين شمس منطقه شعبيه اتربيت على أن الاخت والأم والست الكلام عليهم من الكبائر.. عربية إيه يابني أنا أجري الحمد لله يعيشني كويس ويجيبلي عربية حلوه وبیت كويس.. بمجهودي وشغلي مش علي عرق واحدو ست.. باب إيه يا حبيبي اللي ادخله وانت اصلا عايش باسمها.. أنا شقيت على حالي بعرقي.. لكن أنت فشلت في كل شئ فشلت كممثل وفشلت كأب وفشلت كأخ وفشلت كبني أدم"
أٌقرا ايضًا:
شاهد.. مسلسل 2 في الصندوق الحلقة 10 ومواعيد العرض والقنوات الناقلة
بعد ارتباطها بـ"أبو هشيمة".. من هو طليق ياسمين صبري وماذا يعمل؟
تابعوا أخبار بلدنا اليوم على Google News
