علق الإعلامي عمرو أديب، على انخفاض سعر البترول الأمريكي لأدنى مستوى له، وقال: "اللي بيحصل دلوقتي في أمريكا أن في السوق العالمي المالي، في ناس بتشتري ذهب، وفي ناس بتشتري ورق، ونفس الموضوع بالنسبة في النفط، في ناس بتشتري البراميل النفط، لأسباب كتير أوي بقى، اللي حصل أن الناس الي شارية البراميل الورقية ملقوش حد يشتريها، والسبب..؟، لأن الخزانات بتاعت البترول في أمريكا اتملت"
وأضاف خلال برنامج "الحكاية" المذاع على قناة "إم بي سي مصر" قائلًا: "النهاردة بسبب الكورونا في أمريكا، محدش عاوز يشتري البترول، ومش هنتكلم في قصة العقود لأنها مسائل تقنية مش بتاعتنا، وبسبب كورونا استهلاك السيارات والطيارات قل، واستهلاك الطاقة قل.
أكدت "أديب"، أن هناك هبوط أكثر من 140%، وبدأ سعره يبقى أقل من المجاني، لأن أنت حلك الوحيد انك تاخذ برميل البترول شخصياً، وانهاردة في كارثة وفي ناس اتبهدلت، لأن هناك انهيار في عدد من الشركات الأمريكية".
وأشار "أديب" أن مؤشر الأسهم الأمريكية كان لحد قبل ما نشاهد الانخفاض ده في البترول كان مرتفع، لكن النهاردة كان فى زلزال في الاقتصاد الأمريكي بسبب النفط والانهيار اللي حصل فيه، ولازم نعرض الفرق بين سعر برميل النفط هنا في المنطقة العربية وبين النفط الأمريكي، عشان الناس متقولش البترول رخص في العالم، مشيراً أن المقصود في سوق من الأسواق العالمية بتاعت البترول انهار تماماً.
اقرا ايضا
تجديد حبس تشكيل عصابي 15 يوما
"دافع عن فتاة".. إصابة بائع بجرح قطعي بمنطقة البساتين
تابعوا أخبار بلدنا اليوم على Google News
