بالصور| حماقي يثير السخرية بـ "بلوفر مقطّع".. ومغردون: "الفار مقرقضه وهيبقى موضة"

أثارت ملابس الفنان محمد حماقي، في الحلقة الأخيرة من ذا فويس كيدز، أمس السبت، جدل على مواقع التواصل الإجتماعي.

حيث ارتدى حماقي "بلوفر" مرقّع زيتي اللون، على بنطلون أسود داكن، فكان البلوفر مثار سخرية رواد السوشيال ميديا خلال الساعات الأولى من صباح اليوم، لافتين إلى أن كل من يملك ملابس مثيلة يجب أن يبدأ في ارتدائها بعد فعلة حماقي، لأنه سيكون موضة لعام 2020.

وفي هذا الصدد، قال احمد عبد العزيز: "قال عنده بلوفر مقطع او الفار مقرقده ومركون ف الدولاب.او معمول دواسة حمام او شرشوبة المساحة يغسلة ويلبسه يا جماعة حماقي لبسه وبقي موضه 😂".

فيما استنكر احمد عثمان، ظهور حماقي بمثل هذا المنظر: "حمد الله على السلامة كده وصلنا للعبط رسمياً يا جماعة يلا انزلوا بأي حاجة بقى بلا وجع دماغ ... السنة الجاية تبقى الموضة بشاكير و برانص إن شاء الله".

وحرص منصور منصف، على السخرية من البلوفر بقوله: "بما ان الأهلي والزمالك صعدوا لنصف النهائي ومافيش تحفيل نستلم بقي بلوفر حماقي 🤣".

أما إيمي العربي، فكان لها رأي آخر: "استاذ حماقي امي بتسلم عليك وبتقولك دا منظر بلوفر تدفع فيه فلوس وخليتنا متفرجناش ع الحلقه بسبب ان بلوفر حضرتك مش عاجبها 🙂".

فيما ربط آخرون بلوفر حماقي بما ارتداه أحمد راتب في فيلم "علي بيه مظهر": " هو بلوفر أحمد راتب في علي بيه مظهر رجع موضة تاني وأنا كنت في غيبوبة ولسه صاحي ولا حماقي الدنيا بايظة معاه وبيسترزق دلوقتي ولا فيه مؤامرة علي حماقي وبيقودها الستايلست بتاعه؟!! 🤔".