أثار الفنان وائل عبد العزيز جدلا واسعا عبر مواقع التواصل الاجتماعي، عقب الانتقادات التي وجهها لشقيقته الفنانة ياسمين عبد العزيز بسبب علاقتها بالفنان أحمد العوضي، مما أدى إلى كثير من الشد والجذب بين أطراف الأزمة على السوشيال ميديا.
وأكد وائل عبد العزيز في تصريحات إعلامية له، أنه لم يعمل من قبل مع الفنانة ريهام حجاج، لافتا إلى أنه حر يعمل مع أي شخص، لأنه يستطيع الفصل بين عمله وبين العلاقات الشخصية.
كانت أزمة كبيرة اشتعلت بين الفنان وائل عبد العزيز وشقيقته ياسمين عبد العزيز بعدما وجه لها انتقادات قاسية عبر السوشيال ميديا، بسبب ما تردد من شائعات حول ارتباطها بالفنان أحمد العوضي، كاتبا: "هنهرتل وتروحي تعرفي واحد أصغر منك بـ 10 سنين لا من سنك وتتصوري صور مالهاش أي لازمة على حساب سمعتك وسمعتنا لا ومحدش هيسمح، من إمتى واحنا بنعمل أعياد ميلاد وتنزل علي السوشيال ميديا، من إمتي الناس بتجيب في سيرتنا !؟ ونقعد نتعاكس علي السوشيال ميديا".
وتابع: "ومع ذلك حياتك وأنتي حرة فيها، أنا هتكلم على الشق الي يخصني، أنتي مقاطعه كل العيلة عشان تعملي الي على مزاجك إحنا دلوقتي عايزين نفهم العلاقه دي إيه و رايحة على فين".
استطرد شقيق ياسمين عبد العزيز: "أما بالنسبة للأخ الي ماشي وراكي في كل حتة وشايفك البيضة الدهب الي هتفقسله كل يوم أحب أقولك يا راجل لما تيجي تدخل بيت تدخله من بابه يا راجل! وتقعد مع رجالة البيت دي الأصول وده الاحترام وطبعا لأنك عارف إنك مرفوض رفضا باتا فعمرك ما هتعمل ده ومعندكش غير طريق الشمال الي أنت سالكه من سنين مع بنات الناس".
اختتم وائل حديثه بقوله: "أنا من رأيي كفاية عليك البطولة الي أخدتها والعربية المرسيدس الهدية وتركز في شغلك وتسيبنا في حالنا لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".
تابعوا أخبار بلدنا اليوم على Google News
