أوضح الفنان رامي صبري، عن وجهة نظره تجاه "أغاني المهرجانات"، موجهًا رسالة للفنان هاني شاكر نقيب المهن الموسيقية، بمحاولة توجيه مطربي المهرجانات للفن الصحيح، بدلًا من وقفهم نهائيًا عن الغناء.
وكتب صبري، عبر صفحته الرسمية بموقع "فيس بوك"، قائلًا: "توضيح مهم انا راجل خريج المعهد العالي للموسيقي العربيه قسم تاليف موسيقي وكنت في فرقه أم كلثوم وكنت من أهم طلاب المعهد صعب أوي أكون بعد كل ده أبقي بدافع عن أغاني المهرجان، بالعكس اللي متابعني كويس عارف إني نزلت بوست من شهر تقريبا وقولت فيه مينفعش أغاني المهرجان تبقي ترند مصر".
وتابع: "ليه قولت كده؟ علشان أغاني المهرجان فيها مشكلتين، الأولي الكلام فيه مشاكل كبيرة وكبيرة جدا، ثانيا المغني اللي بيغني المهرجان غير مؤهل إنه يغني من الأساس ومش كلهم في طبعا منهم ناس بتغني حلو جدا وهذا الغناء يندرج تحت كلمة ( غناء شعبي) وليس مهرجان، ثالثا وهو الأهم بأنهم بياخدوا ألحان ملحنين كبار في أغانيهم وأغلبيتهم بيعملو كده وبينسبوها لنفسهم وده أكيد مش من حقهم وغلط".
واستطرد: "ولكن انا ضد اننا نعالج مشكله بمشكله اكبر وهو الإلغاء إلغاء المهرجان مش هو الحل لأنهم هيغنوا بردو بس على يوتيوب وعلى الأبلكيشنز وخارج مصر، فكان رأيي إننا نحلها بأننا نجيب الشباب دي ونوعيهم لانهم اخواتنا مش اعدائنا وهما عايزين حد يفهم مش يلغيهم".
واختتم قائلاً: "هو ده كان قصدي بالظبط وأنا بقول رأيي لأني متخصص، وللمرة الأخيرة ومش هتكلم في الموضوع ده تاني المهرجان مش ذوقي ومبحبهوش خالص ولكن ده مش معناه إني ألغيه، وشكرا، أخوكم رامي صبري".
كان الفنان هاني شاكر نقيب الموسيقيين قد أصدر بيانًا أمر فيه بمنع التعامل مع مطربي المهرجانات نهائيًا، وذلك في أعقاب أزمة غناء مهرجان "بنت الجيران" لحسن شاكوش وعمر كمال في حفل عيد الحب في استاد القاهرة، بنسختها القديمة التي تحتوي على جمل منافية للذوق العام".
تابعوا أخبار بلدنا اليوم على Google News
