بسمة وهبة عن الطفلة جنة: "إزاى منصرخش عشان ‏نطالب بحقوقهم؟!"

نشرت بسمة وهبة عبر حسابها الشخصي بموقع الصور والفيديوهات الشهير"انستجرام" ، صورة للطفلة جنة من المستشفى، وعلقت عليها قائلة: "جنة، طفلة ‏عندها ٤ سنين، كل أحلامها تلعب على عجلة بسنادات، تاكل آيس كريم ، تلبس فستان حلو شبهها، وتبقى مبسوطة زيها زي أي ‏طفل في السن ده طفلة مفيش في إيديها حاجة ،قدامها مستقبل، حياة كاملة، لكن وبسبب الجهل، بسبب القسوة، بسبب عدم ‏الإنسانية، كل ده راح في ثانية".‏

وأضافت : "‏‎ ‎كل أحلام الطفلة البريئة اختفت في لحظة وكأنها في عرض للساحر، جنة والدها ووالدتها كفيفان وعشان كده عايشه مع جدتها، ‏خالها أغتصبها وجدتها عشان تداري على الموضوع حرقتها في أماكن متفرقة من جسمها "قلة الحيلة، تعمل إيه طفلة عمرها ٤ ‏سنين تعرضت لكل التعذيب ده، اغتصاب من خالها وحرق من جدتها، اللي للأسف أدى لوفاتها، تعمل إيه طفلة مافيش في إيديها ‏حاجة ولا تقدر تدافع عن حقها".‏

واختتمت بسمة وهبة: "إزاي مندافعش عن ولادنا اللي هما قلوبنا اللي ماشيه عالأرض، إزاي ما نزعقش، ما نصرخش عشان ‏نطالب بحقوقهم جنة ماتت، راحت الطفلة البريئة الضحوكة، اخت بس ماينفعش حقها يضيع ، حق جنة لازم يرجع ، لازم كلنا ‏نطالب ده ، لازم اللي أخطأ يُعاقب ، أطفالنا هما جنتنا على الأرض، هما أبواب الأمل لمستقبل جاي، عشانهم وعشانا مش ‏هنسيب حق جنة".‏

"جنة" طفلة عندها ٤ سنين، كل أحلامها تلعب على عجلة بسندات، تاكل آيس كريم ، تلبس فستان حلو شبهها وتبقى مبسوطة زيها زي أي طفل في السن ده ! طفلة مافيش في ايديها حاجة ، قدامها مستقبل ، حياة كاملة ، لكن وبسبب الجهل، بسبب القسوة ، بسبب عدم الإنسانية ، كل ده راح في ثانيه. كل أحلام الطفلة البريئة اختفت في لحظة وكأنها في عرض للساحر !!! جنة والدها ووالدتها كفيفان وعشان كده عايشه مع جدتها، خالها أغتصبها وجدتها عشان تداري على الموضوع حرقتها في أماكن متفرقة من جسمها ! "قلة الحيلة" .... تعمل إيه طفلة عمرها ٤ سنين تعرضت لكل التعذيب ده، اغتصاب من خالها وحرق من جدتها، اللي للأسف أدى لوفاتها ! تعمل إيه طفلة مافيش في إيديها حاجة ولا تقدر تدافع عن حقها ؟ ازاي ماندافعش عن ولادنا اللي هما قلوبنا اللي ماشيه عالأرض ؟ ازاي ما نزعقش، ما نصرخش عشان نطالب بحقوقهم ؟ جنة ماتت ، راحت الطفلة البريئة الضحوكة .... راحت بس ماينفعش حقها يضيع ، حق جنة لازم يرجع ، لازم كلنا نطالب ده ، لازم اللي أخطأ يُعاقب ، أطفالنا هما جنتنا على الأرض ، هما أبواب الأمل لمستقبل جاي، عشانهم وعشانا مش هنسيب حق جنة ! #حق_جنة_لازم_يرجع #باب_للأمل #بسمة_وهبة A post shared by Basma Wahba (@basma_wahba) on Sep 28, 2019 at 4:12am PDT