أكد الإعلامي عمرو أديب، أن المواطن المصري العادي البسيط هو من يدفع ثمن الدعوات التخريبية لجماعة الإخوان الإرهابية.
وتساءل أديب، خلال تقديمه برنامج "الحكاية"، المذاع عبر فضائية "إم بي سي مصر"، "إيه يساوي إننا نجيب عليها واطيها، وكل اللي بيجرى في مصر يتهد؟"، متابعا، "أنا بستغرب جدا، مصر بلد سعر الدولار بينزل فيها، والجنية بيزيد، والبطالة بتقل فيها، ومعدل النمو بيزيد فيها، ةهتقولي مش حاسس ومش شايف، أقولك في حاجات كثيرة بتحصل ليها تأثير غير مباشر عليك"، موجها حديثه للمنساقين خلف الدعوات التخريبية لجماعة الإخوان الإرهابية، " لو هدتها مرتبك هيزيد كام؟".
وروى مقدم "على مسئوليتي"، موقفا حدث له اليوم في إحدى محطات البنزين، قائلا، "وأنا في محطة البنزين واحد بيمسح الزجاج بتاع العربية، سألني هو في حاجة هتحصل يوم الجمعة؟، قلتله لأ يا عم الحج متخفش وكله تمام، انزل من بيتك ومفيش مشكلة مصر بآمان وبخير، فقالي جملة شقني إثنين، وقالي إحنا اللي بنتبهدل في الحاجات ديه"، متابعا، "اللي بيتطحن وبيروح في 60 داهية وبيفلس هو المواطن البسيط".
تابعوا أخبار بلدنا اليوم على Google News
