واجه الفنان والإعلامي تامر شلتوت، مقدم برنامج "صباح الخير يا مصر"، عبر قناة "مصر الأولى" على التليفزيون المصري، انتقادات عدة، على مداراليومين الماضيين، بشأن اتهامه بالاعتداء على طفل يبلغ من العمر نحو 5 أعوام، قد سبق وتبناه من دار للأيتام مؤخرًا، إذ اتُهم بأنه يُعامله معاملة سيئة ويُعنفه من آنٍ لآخر، إذ طالب البعض بالتدخل وإنقاذ الموقف.
واستجابت الدكتورة غادة والي، وزيرة التضامن الاجتماعي، لمنُاشدات البعض، عبر مواقع التواصل الاجتماعي، مُعلنة بدء التحقيق في الواقعة، والوقوف على حقيقة الأمر، وتم التحقيق أمس مع الإعلامي تامر شلتوت والطفل.
وذكر شقيقه "عمرو شلتوت" من خلال صفحته على الفيس بوك، أن شقيقه توجه لوزارة التضامن الاجتماعي، وجلس مع لجنة الأسر البديلة، كما تم عرض الطفل على طبيب نفسي وأخصائي اجتماعي.
وتابع، "أن اللجنة أكدت أن الإعلامي تامر شلتوت، استمر في المراحل العلاجية المتفق عليها مع الدكتور الخاص بالطفل، وكانت خطة العلاج أن الطفل لو عمل حاجة غلط كبيرة أن يتجاهله في الأول بعد كده يعاقبه بحرمانه من اللعب بتاعته بعد كده يضربه علي إيده كنوع من التصعيد زي أي أب بيربي أولاده".
وأكد "شلتوت" من خلال صفحته الفيس بوك:"أن اللجنة كشفت على الولد ملقوش أي آثار للضرب و عرضوا عليه أنهم يفسحوه والولد مرضيش يروح في أي حته غير لما يكون باباه موجود، وقال إنه بيحب باباه جدًا ومبسوط معاه قوي و مرضيش يتحرك يروح أي حته غير لما بيبقي باباه موجود".
وأضاف، أنه بعد الإطلاع على ملف الولد الشخصي من وصل المدرسة والتأمين الصحي الخاص واشتراك النادي وحسابه في البنك، فكان النتيجه إن اللجنة شكرت تامر علي التطور الولد وصل ليه مقارنه لظروفه قبل كده والهو حصل في ٥ شهور بس ، وأشادوا بحب الولد ليه وقد إيه هو متعلق بيه و يرجع تامر والولد مع بعض و هو نايم في البيت دلوقتي الحمد لله.
واختتم قائلا: ياريت لو أي حد يعرف أي حد في وزاره التضامن يسأله علي صحه كلامي".
وقال عم الطفل:" طيب دلوقتي بقي إيه الإجراء الاتاخدت مع اسمها ايه الست دي،مافيش!!!، طيب حق الولد الملوش أهل ده الاتشهر بيه فين، مافيش!!!! طيب فين حق تامر الإتجار بسمعته عشان واحده بتتلاعب بالحقيقه وقلبت الموضوع من مشكله شخصيه لحقوق الطفل، مافيش!!!! مع العلم انها كانت بتحلف ان في صور وفيديوهات وفي الاخر طبعا طلع الكلام ده بلح!!! هو في ايه يا جماعه!!! ولا عشان الهانم ليها معارف كبيره بيجاملوا بعض علي حساب اخويا وابنه!!!".
وتابع: "أنا هرفع بكره الموضوع للنائب العام وعايز حق أخويا و حق الضرر الرجع علي سمعته البيبني فيها سنين كانسان طبيعي وإعلامي مشهور ونجم تلفزيوني و حق الولد الملوش ظهر اللي اتشهر بيه قبل ما يبتدي حياته وحق الأضرار النفسيه الرجعت عليه في الموضوع ده من صوره اجتماعيه مهزوزه و عياط وانهيار عشان بس عرف انه ممكن يرجع دار الايتام تاني وحق نسب تهم ليس ليها اي علاقه من الصحة".
وأكمل قائلا:" ‘حنا عشان ولاد ناس متربيين علي أننا منردش الإساءة بالإساءة مش هنعمل كده مع العلم، إن محامي العيله بيتحايل علينا اننا نمشي في الاجراءات بس عشان معندناش أي هدف غير رضا ربنا وغير أنه يقبل التجاره البنتاجرها معاه عز وجل ومش محتاجين حاجه الحمد لله".
تابعوا أخبار بلدنا اليوم على Google News
