هشام سليم يهاجم محمود الخطيب: معندوش خبرة كافية

أعرب الفنان هشام سليم، نجل رئيس القلعة الحمراء الراحل صالح سليم، عن استيائه من الإدارة الحالية التي ينتهجها مجلس إدارة النادى الأهلى برئاسة الكابتن محمود الخطيب، قائلا: "لا يمكن أزعل جمهور النادى الأهلى ولا أزعل من الجمهور، لكن أنا بقول رأي أبويا بصراحة، فى إن الخطيب معندوش خبرة كافية وممسكش حاجة قبل كده ونجح فيها، وأظن الأيام وضحت ده!".

وقال سليم، خلال لقائه مع الفنان شريف منير وابنته أسما، ببرنامج "أنا وبنتى" المذاع عبر قناة ON E، إنه يعترض على الكابتن محمود الخطيب إداريا فى قيادة النادى الأهلى، وتابع فى حديثه عن "بيبو": "الخطيب قال أنا شربت من الكابتن صالح سليم، وإن مفيش حاجة فى الأهلى بتتعمل غير لما كان بيجي ويقولى إيه رأيك يا خطيب، وإنه قعد جنبه فى الطيارة 14 ساعة لما كانوا رايحين جنوب إفريقيا يتكلموا عن أمور النادى الأهلى، وده محصلش".

وأكمل هشام سليم: "أنا اتقالى من الكابتن صالح سليم إن محمود الخطيب غير واضح"، مشيرا إلى أنه لا يذهب إلى النادى الأهلى ولا يريد الذهاب إليه فى ظل وجود الإدارة الحالية، متابعًا "أنا شايف إن والدى مكنش هيبقى مبسوط من اللي حصل، والأهلى مكنش فى الفترة اللى فاتت الفريق اللي أنا أعرفه".

ولفت إلى أنه والدة الكابتن الراحل صالح سليم، كان عاشقًا للنادى الأهلى لذلك كان يتواجد به حتى قيادته للكيان الأحمر، مردفا "أبويا ضيع مستقبله كله فى الكورة واعتزل عنده 37 سنة، على الرغم من أنه كان يتمنى أن يكون مهندسا".