زوج يقيم دعوى نشوز: "أبوها بيحط إيده على ضهرها قدامي"

تعج محاكم الأسرة يوميًا بالكثير من المشاكل، حيث تشهد أوراق مبانيها العتيقة على الكثير من الخيبات والخذلان، فعلى أعتابها تحطمت جميع الخيالات والأماني السعيدة، حيث فوجئت مقيمات دعاوي الخلع وطالبات والتطليق، بواقع لا يشبه خيالهن وعاطفتهن على الإطلاق، فكل منهن لها مأساتها المختلفة التي حولت حياتهن لجحيم، لذلك قررن أن ينهين الرباط المقدس والميثاق الغليظ بينهن وبين أزواجهن لكي تعشن ما تبقى من حياتهن أكثر استقرارًا وهدوء.

فعلى خلاف عادة محكمة الأسرة التي تستقبل النساء دائمًا، فقد أقدم "عمر.م" البالغ من العمر 28 عامًا، دعوى "نشوز" حملت رقم 1477/2018 ضد زوجته "ريهام.ي" صاحبة الـ24 عامًا، اتهمها فيها بعدم إطاعته وترك منزل الزوجية منذ 7 أشهر، وذلك بعدما جمعهم عش الزوجية عامين.

تعرف "عمر" على زوجته خلال عملهما معًا في إحدى الشركات الخاصة، ولم يستمر كثيرً ليتقدم لخطبتها بعد علاقة حب استمرت أشهر قليلة، لتدخل علاقتهما مرحلة جديد: "اتجوزنا عن حب كبير بينا وكنا متعلقين ببعض جدًا لكن بعد الجواز كل حاجة اتغيرت بسبب أبوها وتصرفاته الغريبة.. كنت فاكر إن مشاكل فترة الخطوبة دي غيرة أب على بنته الوحيدة وعشان والدتها متوفية لكن بعد الجواز المشاكل بقت أكتر".

وأضاف الزوج: "من شهر العسل لما سافرنا كان بيتصل عليها باستمرار بشكل يعصب وفي أوقات غريبة محدش يكلم عرسان فيها ويسألها ببجاحة بتعملوا أيه لدرجة كنت حاجز أسبوعين، بعد 11 يوم رجعنا لأنها قالت بابا واحشني ومش متعودة أسيبه كدة، واحترمت علاقتها بأبوها ورجعنا.. لكن هو مش بيحترم علاقتي بيها أبدًا وبيتصرف بشكل غريب وبيتعمد يتحرش بيها قدامي وطول الوقت يبوسها ويحط إيده على ضهرها ويهزر بكلام قبيح".

وتابع: "كل يومين تلاتة عايزة تروح لبباها.. عمري ما منعتها لكن الموضوع زاد عن حده بسبب بياتها عنده المستمر وهو لوحده وأنا بضايق وفي الفترة الأخيرة بقت تزعل إني بتكلم عليه وحش ولما حملت قولت مش عايز ولادي يكونوا عنده لأنه غريب ومش محترم.. واتخانقنا وغضبت وسابت البيت.. وصالحتها أكتر من مرة ورجعت شوية كويسة لكنه بدأ يزن عليها تاني ويدخل في حياتنا".

وأكمل "بدأت أحس منها إنها بتسمع كلامه ومش مضايقة منه ولا من مد إيده عليها كل شوية بحجة إنه أبوها ومش محترمة إني جوزها ومينفعش يبوسها كدة.. أسلوبه وتصرفاته مش شكل أب طبيعي.. وغيابها عن البيت خلاني ألجأ للمحكمة وأقيم دعوى النشوز عشان أوقف النفقة".