طمأن الفنان شريف إدريس جمهوره على الوضع الصحى لأحمد البدرى بعد ما تعرض لوعكة صحية شديدة، وذلك عبر صفحته على موقع التواصل الاجتماعى “فيسبوك”.
وقال شريف إدريس: “الحمد الله أحمد أخويا بيتحسن، والسكر بينزل هو لسه محجوز فى المستشفى لحد ما الأمور كلها تتظبط، وشكرا لكل الأصدقاء اللى بيطمنوا على أحمد”.
وقد نشر هانى الشيخ، صديق المخرج أحمد البدرى، تعليقا جديدا عبر صفحته على موقع التواصل الاجتماعى “فيسبوك” يكشف فيه تفاصيل جديدة عن حالة المخرج أحمد البدرى الصحية بعد بتر قدمه اليسرى بالكامل.
وقال هانى الشيخ، صديق أحمد البدرى: “أحمد البدرى حالته بتتدهور، أرجوكم الدعاء له بالشفاء العاجل، يا رب تقوم بالسلامة يا بدرى، ويشفيك ويعافيك”.
أحمد البدرى
وكان هانى الشيخ، صديق أحمد البدرى، علق قبل ذلك قائلا: “صديقى الغالى المخرج أحمد البدرى، أرجو من كل اللى يعرفه عن قرب يزوره فى المستشفى لأن حالته الصحيه صعبة جدا جدا وغير مستقرة”.
وأضاف صديق أحمد البدرى: “بتر القدم بالكامل رجله الشمال كلها اتشالت وسكر غير مستقر والتنفس صعب جدا وتسمم فى الدم، هو فى معهد ناصر اللى على الكورنيش فى الرعاية المركزة، الزيارة من الساعه 4 إلى 5 فقط، ادعوا له وزيارة المريض بتفرق معاه كتير لأن الوضع صعب، ربنا يشفيك ويعافيك وتقوم بألف سلامة”.
وأوضح: “أرجوكم لما حد يكون قريب منكم وفى عشرة وتعب أو فى محنة روحووا زوروه واطمنوا عليه بنفسكم بلاش جو البوستات وشغل السوشيال ميديا، ممكن يكون فى بعد من زحمة الحياة بس لو حد بينك وبينه عشرة واتحط فى موقف أجرى وروح له عشان لما تقع تلاقى الناس حواليك، ربنا يشفى ويعافى كل مريض ويشفيك يا بدرى”.
تابعوا أخبار بلدنا اليوم على Google News
