حورية فرغلي تعلن عن تعاقدها في فيلم «ديجافو»

كشفت الفنانة حورية فرغلي، عن أعمالها السينمائية الجديدة بعنوان فيلم "ديجافو"، مشيرة إلي إنها الفيلم مختلف عما قدمته من قبل، وذلك من خلال حسابها الرسمي بموقع تبادل الصور والفيديوهات "إنستجرام".

وأوضحت حورية فرغلي من خلاله عن أعمالها القادمة، قائلة: "أنا طالعة لكم النهاردة عشان أقولكم أنا من 2018 كان آخر عمل ليا عملته مملكة الغجر ومن سنتين عملت مسلسل أيام وفي جزء لسه منزلش، الخبر اللي عايزة أقوله لكم من ساعة ساحرة الجنوب الناس شافتني بطريقة مختلفة عن كوكي وعن سيدنا السيد والمنتقم وعن نظرية عمتي وعن بدون ذكر أسماء".

وعن عملها الجديد قالت حورية فرغلي: "عملت شخصيات كتيرة مختلفة تمامًا، أنا بذاكر من دلوقتي أنا عندي فيلم من أقوى الأفلام اللي أنا هعملها إن شاء الله هو ديجافو هو حاجة جديدة متعملتش قبل كده".

ومن جانبه، أعلنت حورية فرغلي غت تعاقدها على فيلم ديجافو من خلال حسابها الرسمي بموقع تبادل الصور والفيديوهات الإنستجرام، قائلة: "أنا طالعة النهاردة مخصوص عشان أقولكم أحلى خبر، بقالي كتير متبسطش زي النهاردة".

وتابعت حورية فرغلي قائلة: "الحمد لله أنا لسه ماضية فيلم اسمه ديجافو، مع المخرج الأستاذ عيد العربي، والمنتج أيمن فهمي، يمكن تستغربوا وتقولوا اشمعنا دلوقتي، أنا هدخل دلوقتي سينما، لأن كان معروض عليا حاجات كتيرة جدًا بس ملقتش أي حاجة جديدة، أنا عملت شخصيات كتيرة أوي بس معملتش الدور دا قبل كده، والدور ده يعتبر من أصعب الأدوار اللي هعملها في حياتي".

والجدير بالذكر، أن حورية فرغلي خضعت لعملية جراحية جديدة يوم الجمعة الماضية وطلبت من متابعيها عبر حسابها بموقع تبادل الصور والفيديوهات بالإنستجرام الدعاء لها، وظهرت في الصورة بمحاليل معلقة على وجهها.

وعلقت قائلة: "أصبر في أشد أوجاعي أصمت وفي داخلي ألف وجع لا أشكو لأحد الكتمان هو رفيقي، يارب ما يكتب لحد الوجع يارب، آخر عمليه اللهم لك الحمد.. أصعب وجع أنك تكون لوحدك في الوجع".