اعتذر المطرب رامي صبري، لجمهوره من طلبة كلية الآداب بالإسكندرية، وذلك بعد إلغاء حفل تخرجهم، مؤكدا أنه ليس له علاقة بالغاء الحفل.
وكتب رامي صبري عبر حسابه الشخصي على موقع التواصل الاجتماعي "فيسبوك":" جمهوري في الإسكندرية، وتحديدا طلاب كلية آداب أولا ألف مبروك على التخرج وربنا يوفقكم دايما.. ثانيا والأهم عندي لازم تعرفوا أني بحبكم جدا جدا، وبعتذرلكم تاني لعدم وجودي معاكم في حفل تخرجكم اليوم.. وأكيد مش أنا السبب".
وتابع:" في سوء تنظيم كبير وعدم احترام الاتفاقات اللي تمت بيننا وبين الشركة المنظمة للحفل علشان الحفل يطلع بأحسن شكل ممكن من حيث الصوت والمسرح والشاشات وده للأسف محصلش لحد قبل الحفلة بيومين مفيش اهتمام ابدا وأنا شخصيا تدخلت وقولت أنه كده الحفله هتتلغي الرد كان فيه سلبية كبيرة وعدم اهتمام بالحفل من عند الشركة المنظمة".
وأضاف:" حذرت أكتر من مرة على مدار يومين مفيش فايدة، موضوع الاتفاقات المادية أنا المقابل المادي عندي مش أهم حاجة، ولكنها من ضمن الاتفاقات، تم دفع جزء من الأجر وده الطبيعي والباقي قالوا قبلها باسبوع بردو محصلش حاجة لحد يوم الإلغاء اللي هو قبلها بيومين".
واستكمل:" كل ده بالنسبالنا احنا كا رامي صبري الحقيقة عك كبير جدا، مرضناش نكمل فيه فا تم إلغاء الحفل احتراما لينا ولجمهورنا المحترم في الإسكندرية.. حبيت أوضح علشان جالنا مواضيع كتيرى جدا مفيش ١٪ فيها صح".
واختتم: إن شالله تكونوا انهاردا مبسوطين يا حبايبي بتخرجكم وربنا يوفقكم في حياتكم بمشاركة فرحتكم مع النجم الكبير حماده هلال اللي هايكسر الدنيا معاكم اشوفكم قريبا.
تابعوا أخبار بلدنا اليوم على Google News
