يذاع حفل المطربة مي فاروق، بالمملكة العربية السعودية، على الهواء مباشرة يوم الخميس القادم، فى تمام الساعة العاشرة مساءً، عبر قناة mbc مصر.
ووجهت المطربة مي فاروق، رسالة شكر لعدد من الأشخاص، وذلك بعد تكريمها في حفل الرياض، قائلة: "بعد كل السعاده اللي كنتم سبب ليا فيها بعد فضل ربنا ونعمته وبعد كل الشكر والدعاء لأمي وأبويا لأن كل اللي بوصل له بفضل دعاءهم".
وتابعت:" شكرا لكم ولحبكم وثقتكم وفرحتكم بيا واحساسكم اللي واصل لي انكم فرحانين ببنتكم واختكم متشكره من قلبي وشكرا لكل فرد في حياتي بيدعمني و بيساعدني اكون أفضل".
وأضافت:"أول الشكر لاولادي اللي مقدرين ويارب اكون أم يفتخروا بيها وأخويا عمرو فاروق ابراهيم نيفين الديب بعد ربنا وبعد ابويا وأمي وزوجته واولاده ربنا مايحرمني منكم صاحبة عمري واختي ومديرة اعمالي حقيقي نعم الأخت والسند والظهر ومتشرفه انك في حياتي رباب".
وحرصت على توجيه الشكر لفريق السوشيال ميديا الخاص بها ومسئول عن كل صفحاتي اللي حقيقي هم نعم الاخوات والظهر وعلي رأسهم اخويا العزيز ميشيل ماهر.
وواصلت:"المسؤول عن اطلالتي الحلوه دائما ومهتم اني اظهر لكم بشكل حلو طول الوقت اخويا الغالي إيهاب الدين واخويا الغالي واشطر مصور بيظهرلكم صوري محمد جمال وحبيبتي اللي تعبانه معايا دائما أسماء علام واصحابي وحبايبي المحيطين القليلين جدا لأنهم حقيقيين جدا وهم عارفين نفسهم وصديقي واخويا اللي مطلعه عينه معايا نعم الاخ والصديق خالد عبد العال".
واستكملت:" والف شكر الاساتذه الفنانين الموسيقيين اللي دائما بتشرف بوقوفي معهم علي مسرح واحد شكرا المايسترو الكبير يحيي الموجي شكرا مهندس الصوت الكبير ياسر أنور علي تعبكم ومجهودكم في الحفل الرائع، طولت عليكم بس حسه اني عايزه اشكر فرد فرد واشكر كل حد بيتعب معايا عشان اكون افضل".
واختتمت:" شكرا والف حمد لله علي الطبطبه بعد المحن الكتير بحبكم جدااااااا اتمني دائما اكون قد ثقتكم وحبكم ويارب يا ماما انتي وبابا تكونوا فرحانين دلوقتي".
تابعوا أخبار بلدنا اليوم على Google News
