كشف رئيس نادي الزمالك المعزول المستشار مرتضى منصور، نص المحادثة بينه وبين أحد الأشخاص والذي رفض ذكر اسمه سوى حرفين س.ع، والذي أكد بأن رجب بحة المقيم في محافظة الفيوم، سحر لاعبي القلعة البيضاء.
وأثار مرتضى منصور جدلا كبيرا عبر مواقع التواصل الاجتماعي، بسبب الفيديو المنسوب له عبر قناة الزمالك، والذي صرح بأن رجب بحة ساحر يعمل لتعطيل الزمالك على حساب الأهلي.
وحصل موقع وجريدة بلدنا اليوم على نسخة من المحادثة بين مرتضى منصور و س.ع كالتالي:
س.ع: السحر اشتغل والأهلي بيحصد ألقاب وبطولات، اعتبر فك السحر عن نادي الزمالك صفقة، وياريت تصرف على ذلك حتى يستقر النادي وتعود البطولات، وعرفنا أيضا سبب فشل الزمالك وتطفيش اللاعبين وإصابتهم، الساحر رجب بتاع الفيوم وسيادتك لازم تتحرك بنفسك في هذا الموضوع سرا، وإن حبيت أساعدك ما فيش مشكلة والله، بس لازم نتحرك لازم ده أهم من أي صفقة أقسم بالله، إحنا عندنا لاعبين خطيرة ولكن موضوع فك السحر أهم شيء تعمل عليه.
ثم أضاف المدعو (س. ع): سيادتك لازم تفك وتحصن الفريق في أسرع وقت ممكن، حبيت أساعدك وأعطيك رقم شيخ في المغرب يعمل على ذلك وتحصين الفريق مدى الحياة من أي ساحر، وللعلم عمل فك السحر من شهر لـ 3.
وبعد تجاهل من منصور أرسل مجددا: عايزني معاك أخدمك بقلبي، مش عايزني وتتصرف أنت الله يوفقك ويسعدك ويسهل لك مهمتك، وإحنا معاك ولن نتخلى عنك أو عن الزمالك، مرتضى بيه منصور قلت إيه في الكلام اللي تكلمت معاك فيه، الشيخ صالح معايا.
ليرد مرتضى منصور: طيب أعمل إيه؟
وعاود ع.س مراسلة مرتضى منصور من جديد بعد عدة ساعات: أنا اللي هيقدرني عليه الله هعمله، وكنت أتمنى أنا وأنت نقضي على هذه الأمور، خير بإذن الله.
ليرد منصور: مش فاهم أعمل إيه يعني، براحتك.. هو سيادتك القضاء على الشر محتاج إذن مش فاهم.
واختتم حديثه: هذه صورة الساحر رجب محمد محمد الشهير برجب بحة، هذا الساحر هو اللي مدمر الزمالك في إصابات اللاعبين وتطفيشهم وعدم الاستقرار.
تابعوا أخبار بلدنا اليوم على Google News
