أعلن الفنان عمرو مصطفى ، مصالحته مع الفنان رامي صبري ، بعد حجب أغنية "يمكن خير "،للفنان رامي ، من قناة رامي الرسمية على موقع التواصل الاجتماعي "يوتيوب".
صلح رامي صبري وعمرو مصطفي
قال الفنان والملحن عمرو مصطفى خلال استضافته في برنامج "أجمد 7 الساعة 7 "الذي يذاع على إذاعة "نجوم إف إم"، أنا عايز بس أقول لرامي صبري حاجة، لأنه صديق ليا ولو غلط فيك هعتذرلك، ومش هنام بليل وأنا مضايق حد مني، لأن موضوع مغرور ده سببلي مشاكل كتير مع الجمهور، لغاية ما تطاولوا عليا، ودا مينفعش خالص.
وأضاف: لو حد يجي يقولي مينفعش تقول كدة؟ كان ممكن يقولي يا عمرو مخدتش بالي وهعديها، وأنا مكنتش أقصد أكيد ، أنا بعلم الأجيال الجاية حاجات كتير، مينفعش حد ياخد مني ألحان بالشكل ده.
وتابع عمرو مصطفى حديثه قائلًا: إمبارح بالليل قسماً بالله وأنا بعمل الفيديو ده كنت متضايق ولحد دلوقتي متضايق، عايز أقوله أهدى القصة مش أنت، هما بيشغلوني بيك، هما 3 معروفين في الوسط الموسيقي منهم 2 مش موجودين وواحد بيسخنهم عليك، وأنا معنديش مشكلة في صفحة جديدة، أقسم بالله يا رامي نجاحك من نجاحي، مش هروح أرفع قضية، أنا بحب البني آدم ده أوي.
وأضاف: بعترف إنك اكتر واحد بتدافع عني، حصل خير يا رامي، متفرحش الناس فينا واقفل الموضوع، ولو كان خاني التعبير عشان ولادك وولادي متزعلش بس الكلام اللي قولته كان صعب.
رد رامي صبري علي تصريح عمرو مصطفي له
ورد رامي صبري قائلًا: في مداخلة هاتفية بنفس البرنامج: "أنت عارفني من زمان جداً إني مش بتاع مشاكل متخليهمش يخلوا بينا مشاكل، أنت راجل ملحن عظيم ومن قبل ما اشتغل في الشغلانه دي وأنت نجم في المزيكا وبنفتخر أن فيه فنان زيك في مصر.
وأضاف: أن الطريقة بتاعت الاختلاف، ودخلت بيتك وعيشنا واشتغلنا، فيه حتة إن لو رامي أخد مني حاجة او فيه شبه.. احنا بنتكلم على الموبايل، أنا عمري ما هطلع اغلط فيك، اتضايق من الاسلوب في الكلام عليا.. عشان اكيد ليا مكانتي وليا جماهير في الوطن العربي، ولما حد زميل يقلل مني، أكيد لازم ازعل.
تابعوا أخبار بلدنا اليوم على Google News
