مازلت بنت بنوت.. زوجه ترفع دعوى طلاق بعد 6 شهور من فرحها

رفعت زوجة عشرينية دعوى طلاق لتضررها من زوجها، بعد زواج لم يدم غير 6 أشهر، وذلك أمام محكمة الأسرة بمحافظة بالإسكندرية.

وكانت الزوجة حاضرة بصحبة محاميها خلال أولى جلسات نظر الدعوى، وقدمت فلاشة، قالت للقاضي فيها إنها ترصد معاناتها مع زوجها بالصوت والصورة في الشهور الثلاثة الأولي من زواجها.

وتساءلت الزوجة في حزن قائلة للقاضي "أزمتي مش محتاجه دعوى واحدة، انا لازم ارفع مليون دعوي للخلاص من هذا الزوج، لان الاسباب كتيره والمعاناة أشد".

وقالت الزوجة" كل أسباب الطلاق متجمعة في مشكلتي مع زوجي مثلا هو عاجز ورافض العلاج وبينكر وجود المشكله وانا ماذلت بنت بنوت، وضرب شديد واهانه والفاظ وشتائم متواصلة طوال شهور زواجنا "،. 

واضافت: "خوفه من الفضيحة أدى لمحاولة قتلي وتطفيشي وتطليقي بدون حقوقي عن طريق اختلاق المشاكل والهروب من البيت والنوم عند اهله بالاسبوع واحنا عرسان!، عشان يخليني انا اللى اطلب الطلاق وميكونش لي حقوق".

وأكملت الزوجة" زوجي محترف الكذب، قالي مرتبه 5 آلاف جنيه وبيدفع نصه قروض، وفى الآخر اكتشفت أن المرتب ٩٥٠٠ جنيه وطول الفترة الـ 6 شهور كنت بصرف معاه علي البيت".

وأوضحت "رغم عجزه إلا انه كمان خاني، كلن بيكلم خطيبته الاولي واخفي عليها زواجنا "،واتضحلى خلال العيش معه، انه متوحد وكئيب وممل ويزهق مش عايز يخرج او ينزل او يتكلم، وممكن يفضل باصص فى السقف 3 ساعات ساكت، بالاضافة الا انه قاسى بمشاعر متحجرة لو شافنى بعيط 20 ساعه مش هايقولى مالك ولا يطبطب عليا ولا يتعاطف معايا ولا يحس بيا، يقولى بتعملى افلام حتى من غير ما يعرف السبب ".

واتهمت الزوجة زوجها بسرقة ذهبها بخطة شيطانية بالاتفاق مع شقيقاته، قائلة" اكتشفت الامر صدفة.. ولما واجهته اخبرني انه وضعها في مشروع وخسر، وفي الحقيقة باعها لتجهيز شقيقته في الزواج.".

وأردفت الزوجة "فوق كل ده سيدي القاضي، اهله وحشين عندهم سوء ظن وسوء نيه وحقودين وبيخربوا علينا من الخطوبة، وإخواته البنات بيغيروا منى ونفسهم يشوفونى ميتة ومن غير سبب مشافوش منى غير كل خير بس هما كده مرضى ونفوسهم ضعيفه وحقودين".

وطالبت الزوجة بتطليقها للضرر من الزوج وعرضها على الطب الشرعي لبيان عذريتها .. لتقرر المحكمة التأجيل لإعلان الزوج.