قامت الفنانة هند عاكف، بوضع الإعلامية والفنانة ميار الببلاوي في مواجهة مع الرأي العام بعدما كشفت عن وجود دليل براءة وفاء مكي معها خلال مداخلة هاتفية بأحد البرامج التليفزيونية.
وأوضحت هند عاكف، قائلة: "ميار كلمتني نفسيتها منهارة وعايزة تخلص ضميرها وبتقولي أنها معاها جواب هو دليل براءة وفاء مكي".
وتابعت هند عاكف: "سبب ابتعادي كتير عن السينما أن أنا رفضت أدوار الأغراء، من بداية حياتي الفنية، واتعرض عليا كتير جدا، زي فيلم زوجة محرمة بتاع النجمة سهير رمزي، بس مقدرتش أعمل الدور لأنه كان فيه مايوهات ومشاهد ساخنة أنا مش هعرف أعملها".
وأضافت: "فيه ناس من الزملا تعرف تعملها، بس أنا مش هعرف، ومليش علاقة دا عيب ولا مش عيب، بس أنا مبحبش أعمل دا وفيه نجمات بتعمل دا كويس جدا، ونجمات محترمة جدا وهما حرين، والفن وجهة نظر، وأنا مقدرش أحكم على زميلة".
وأعلنت هند عاكف عن السبب وراء ابتعادها عن المجال الفني في الفترة الأخيرة، وقالت: "أنا ابتعدت 10 سنين عن الفن لأني اتجهت لمجال السياسة وخدمة البلد، فالبتالي أخدت إجازة من المجال الفني، وخوضت تجارب كتير في العمل السياسي والمجتمع المدني".
وأنهت كلامها قائلة:" بعد كدا حبيت أرجع للفن تاني وإلى الآن لم يعرض عليا دور مناسب، وأنا مش مستعجلة ومش متضايقة ومنتظرة الدور المناسب والمخرج اللي ممكن يخرج من هند عاكف حاجات متعرفش أن هي عندها، وإحساسي أن الجاي أفضل وهعمل أعمال فنية تليق بجمهوري وتاريخي الفني.
تابعوا أخبار بلدنا اليوم على Google News
