بعد هجوم الملحن عمرو مصطفى على مطرب الراب ويجز، خرج الموزع الموسيقي "مولوتوف" عن صمته وقام بالرد على عمرو مصطفى بعد تصريحاته الأخيرة المثيرة للجدل.
ونشر الموزع "مولوتوف" منشور عبر خاصية الاستوري على "إنستجرام" مدافعًا عن ويجز وقال: " مبدئياً أنا هتكلم عن الأغاني اللي أنا عملتها لويجز وهي دورك جاي، بالسلامة، أسياد البلد، وبما أن أنا الموزع بتاعها أحب أقول للأستاذ عمرو مصطفي إن الأغاني معمول فيها توزيع وهندسة صوت وتلحين وشغل بمستوى عالمي".
وأضاف: " وبتاخد وقت ومجهود وتفكير كبير جداً من كل الأطراف المشتركة فيها والموضوع مش بالسهولة والبساطة اللي حضرتك بتتكلم بيها".
وتابع: "أما بالنسبة لموضوع الفلوس وشراء المزيكا ف أنا لم أتقاضى أي أجر على الأعمال دي لأن فيه اتفاقات بصورة تانية، وفي النهاية احنا بنشكرك على اهتمامك بس ياريت تتحرى الدقة قبل نشر أي معلومات وشكراً".
ومن جانبه هاجم الملحن عمرو مصطفى نجم الراب ويجز وقام بإتهامه بأنه يقوم بشراء الموسيقى جاهزة بمقابل 100 دولار، كما أشار إلى أنه لا يوجد موزع حقيقي، وعلق: "الموزع دوره مش موجود".
تابعوا أخبار بلدنا اليوم على Google News
