غادة عبدالرازق ترد علي تصريحات أحمد زاهر :"عمري ما اتخانقت معاه أو شدينا في الكلام"

قامت الفنانة غادة عبد الرازق بالرد على تصريحات الفنان أحمد زاهر الأخيرة، تجاهها، والتي أكد خلالها أنه توجد عداوة بينه وبينها من بعد آخر عمل جمعهما وهو مسلسل حكاية حياة.

وأوضحت غادة عبد الرازق، خلال تصريحات تليفزيونية: "هو بيقول حاجة وهو مش متأكد منها عمري ما كان عندي مشكلة مع أحمد، عمري ما اتخانقت معاه أو شدينا في الكلام، أنا مش مسؤولة عن كلامه، ليلى أحمد زاهر مرشحة معايا لمسلسل تلت التلاتة من البداية لحد دلوقتي، حتى لو كان عندي مشكلة مع أحمد عمري ما أدخلها في الشغل".

تابعت غادة حديثها قائلة:" أنا عندي نظرة في الممثل اللي مش لازم يبقى دايمًا بيعمل الدور ده، راهنت على محمد القس وراهنت عليه أكتر لما عمل كوميدي، هو ممثل شاطر جدًا وعشان كدا هيقدم دور مختلف في مسلسل تلت التلاتة".

والجدير بالذكر ما قام به الفنان أحمد زاهر بتصرحة مؤخرًا في إحدي اللقاءات التليفزيونية، قائلًا: "في عداوة بيني وبين غادة عبد الرازق، لكن من ناحيتها هي أنا معملتلهاش حاجة.. ممكن تكون مش بتحبني.. هي حرة مش هجبر حد إنه يحبني، رغم عدم حُبها ليا، لكن هي من أقوى الممثلات في الوطن العربي، وعملنا مع بعض مشاهد حلوة في حكاية حياة".

كما أشار زاهر كواليس التعاون بينهما في مسلسل حكاية حياة عام 2013، وقال:"غادة عبد الرازق مكنتش موافقة إني أكون موجود في المسلسل، ولكن رجعت في كلامها بناءً على كلامها مع المخرج محمد سامي والمنتجة، وبعد ما اتقالي أنت مش معانا صليت ودعيت، ده أنا خسيت سنة عشان الدور ده، وجالي تليفون إني مشارك بالعمل، ولما روحت لقيت طاقة سلبية من جهتها من غير ما أعرف السبب".

ويذكر أن مسلسل "حكاية حياة "عرض عام 2013، وكان من بطولة كل من الفنانة غادة عبد الرازق، طارق لطفي، أحمد زاهر، خالد سليم، روجينا، أحمد مالك، رزان مغربي، نجلاء بدر، محمود الجندي، والمسلسل من تأليف أيمن سلامة، وإخراج محمد سامي.