تحدث الإعلامي عمرو أديب عن ما تشهده البلاد من ارتفاع بأسعار البيض والدواجن خلال تلك الفترة: "أنا مش دارس اقتصاد بس درست منطق وفلسفة، المدخلات المنطقية إن الدولة صرفت من دم قلبها دولارات لكي تفتح الموانئ وتدخل الأعلاف وسلعا أخرى من أجل استقرار السوق وانخفاض الأسعار، ومع ذلك التجار بيرفعوا أسعار الدواجن والبيض والسلع".
وتابع خلال برنامج "الحكاية" المذاع على قناة "إم بي سي مصر": "الدولة بتفتح وتدخل الأعلاف والسلع الغذائية على 24 جنيهًا للدولار فالتجار مايحاسبوناش عليه بـ30 جنيهًا".
وأضاف عمرو أديب: "ليه انا بتحاسب علي سعر الدولار بالنسبة للبضائع بـ30 جنيهًا، والدولة فاتحة الإفراجات على 24 جنيهًا".
ولفت: "الناس كلها اللى ماسكة في عيد ميلاد كارفور والخناقة على الشاشات مش هي دي الأسعار ولا القوة الشرائية يعني اتباع كام شاشة في اليوم 150 شاشة دول لا يمثلوا الناس اللى بتاكل وتشرب في مصر، وطبعا فيه ناس باعت صبيانه يشتروا علشان يتاجر فيهم في المحل بتاعه".
تابعوا أخبار بلدنا اليوم على Google News
