كشفت الفنانة وفاء عامر، تفاصيل مسلسل "العيلة دي" الذي من المقرر عرضه يوم السبت المقبل على قناة dmc.
وقالت وفاء عامر، مداخلة هاتفية مع الإعلامي رامي رضوان، عبر برنامجه مساء dmc: "المسلسل بيتكلم عن العيلة دي بكل تفاصيل حياتها اليومية، وإزاي ممكن الشخص يقف على رجله تاني، وإزاي أفراد العيلة هتقف في ضهر بعضها، وعن السفر برة للعمل في وظيفة أقل، عيلة حقيقية بجد وأتمنى إننا نكون عكسنا شكل عائلات الوطن العربي كله".
وأضافت: "كنت أتمنى يكون 100 حلقة، وأنا عرفت إنه من المحتمل إن شاء الله هيكون فيه جزء تاني من العمل".
وتابعت: "فيه مجهود كبير إننا نعرض وأحنا لسه بنصور فبنصور من 18 لـ 20 ساعة في اليوم، أتمنى إن مسلسل العيلة دي يعجب كل الناس، لأن الفكرة تعبنا فيها جدًا، أستاذ يسري الفخراني اختار القصة دي بعناية شديدة وشارك فيها وادانا توجيهات لكل الفريق وأنا بشكره جدُا على مجهوده معانا ومتابعته لينا في كل المشاهد".
مسلسل "العيلة دي" بطولة وفاء عامر، إنعام سالوسة، إسماعيل فرغلي، إسلام إبراهيم، محمد ثروت، إيمان يوسف، ريهام الشنواني، يوسف عثمان، وتأليف أماني التونسي، وإخراج أحمد خالد أمين.
تابعوا أخبار بلدنا اليوم على Google News
