وجهت الفنانة سماح أنور رسالة دعم قوية ذات معاني مؤثرة الفنانة شيرين عبد الوهاب لتستجمع قوتها، عبر حسابها الشخصي على الإنستجرام.
حيث نشرت صورة للفنانة شيرين:-" يا شيرين عايزة اعرفك على أنسانة بتعشق انك اتولدتي اكتر واحدة فرحت بيكي و عندها كمية كلام و احلام والهام مش حاتصدقيها وحاتعوزي مليون عمر علي عمرك علشان تكفيها عايزاكي مش بس تقابليها لا نفسي كمان انك تعينيها".
مستكملة :-"الإنسانة الوحيدة اللي طول عمرها في ضهرك هي اللي بتسندك في البكا وفي الفرح في النصرة وفي الانكسار في الصحة وفي المرض ثقي فيها حني عليها اسمعي بكاها وخديها في حضنك وحافظي قوي عليها".
واضافت قائلة :-"دي اللي خلت شيرين تخش قلوب الدنيا زي سهم العشق اللي لو اتنزع مننا يوجعنا دي الوحيدة اللي عمرها ماسابتك ولا خذلتك اسمها شيرين عبدالوهاب برضه خالي بالك عليها واسمعي كده في وسط كل الالم والزعيق والدوشة صوتها الهادي البسيط".
مختتمة قولها برسالة قوية ، قائلة:-" بيقولك كلمة واحدة صداها في قلوبنا اسمعي كدة...قالت ايه؟ "حاتقومي" "، وحازت الصورة على تفاعل كبير من قبل المتابعين.
ويذكر أن الفنانة سماح أنور حصلت على جائزة التميز والإبداع في مهرجان الفضائيات العربية، وذلك لدورها في بطولة مسلسل الليلة واللي فيها، الذي حقق نجاحًا كبيرًا.
تابعوا أخبار بلدنا اليوم على Google News
