قال الإعلامي عمرو اديب، تعليقا على حادثة عروس الاسماعيلية، إن الدولة ورئيس الدولة ومجلس النواب ضد هذا الأمر تماما، مضيفا: «المجلس القومي للمرأة لازم يبعت لها محامي يقف معها، لأننا مش عاملينه عياقة، ولا عشان يطلعوا في البرامج التليفزيونية».
وشدد عمرو أديب، خلال تقديمه لبرنامج الحكاية، المذاع على قناة mbc مصر، مساء الأحد على أننا لو مكناش ناخد موقف قوي زي الموقف اللي حصل مع مها، عشان جوزها يكون عبرة لمن يعتبر.
وعقب بقوله: «لا دين ولا عرف ولا إنسانية بيقولوا كدا، وأنا مسؤول عن اللي باقوله»، محذرا: «لازم تعرفي أنه لو ضرب مرة واتنين هيضرب العمر كله».
واختتم أديب بأن الست بتتضرب بالشومة، واتحداكو كم واحد يعرف حالة حوله مش بتتضرب، يا عندك في العمارة أو في العيلة أو في المدرسة، ده السر اللي كل المصريين عارفينه، المرأة المصرية تتضرب ولازم توقفوا الكلام ده.
تابعوا أخبار بلدنا اليوم على Google News
