تشهد هذه الفترة حالة من الجدل الواسع حول الأسرة المصرية، عن الرجل والمرأة وعمل المرأة ورضاعة الأطفال وغيرها من المواضيع التي شغلت آراء المواطنين الفترة الأخيرة.
وخصصت الإعلامية مفيدة شيحة، في برنامجها الستات، المذاع عبر قناة النهار وان، مساء اليوم السبت، فقرة عن المرأة، حملت عنوان "دا حقك.. نصيحة أم فخ؟ بعد هذه التصريحات الأخيرة ".وقالت مفيدة شيحة، :"بقالنا كام يوم، الدنيا قايمة مش قاعدة بسبب تصريحات لعدد من الشخصيات عن شوية حاجات كدا المرأة مش ملزمة بيها، زي إنها؛ مش ملزمة تخدم جوزها، مش ملزمة تطبخ له، مش ملزمة تقوم بالأعمال المنزلية بشكل عام يعني، وكانت أكتر حاجة مثيرة للجدل إنها مش ملزمة ترضع ولادها، وإذا عملت كدا تاخد أجر حقيقي تصريحات تهدم أي بيت ".
وأكدت مفيدة شيحة، أن :"الحقيقة التصريحات دي عملت جدل وانقسام كبير جدا في المجتمع، حتى عند الستات نفسهم، شوفنا طرف مبسوط بالتصريحات دي وشايف إن المرأة مش ملزمة وإنها بتعمل دا كنوع من التفضل على الرجل، وفي المقابل فيه ستات تانية شايفة إن الست بتعمل الحاجات دي بالفطرة، مش علشان مجبرة عليها ولكن دا واقع نشأنا عليه".
وأردفت مفيدة شيحة، أن :" أما الرجالة بقي فبعيدا عن كام واحد يتعدوا على صوابع الأيد الواحدة شايفين إن الست فعلا مش ملزمة بالحاجات دي، فالأغلبية شاف إن الست لو شايفة إن كل اللي بتعمله في بيتها نوع من التفضل على الرجل، أو إنه مطالب يدفع أجر على كل حاجة بتعملها الست في البيت، يبقى إيه لازمة الجواز نفسه، وهنا بقي هو الخطر وبداية الخراب للبيوت المصرية ".
واستكملت مفيدة شيحة، أن :" علشان كدا بنطرح سؤالنا النهارده اللي بيقول: هو لما بيتقال للست على حاجات معينة "دا حقك ولازم تاخديه".. بتكون فعلا نصيحة علشان مصلحتها وتاخد حقوقها المهدرة ولا فخ ممكن بسببه يحصل خراب في بيوت مستقرة؟ وخاصة بعد هذه التصريحات".
تابعوا أخبار بلدنا اليوم على Google News
