أكد الشيخ خالد الجندي، عضو المجلس الأعلى للشئون الإسلامية ، أن الله عز وجل لطيفا بعباده، لافتا الى أن عدم معرفة الانسان بموعد موته أين ومتي يعد لطفا خفيا من الطاف الله لعباده.
أضاف خلال حلقة اليوم من برنامج لعلهم يفقهون، والمذاع عبر فضائية dmc" لازم نكون جاهزين ومستعدين للقاء الله على شهادة، "دي حياتك استعد وأوقف النميمة والخصام، دي حياتك اللي أنت مضيعها في النوم والأنتخة، اعتبروا الدنيا أوتيل، جهز نفسك دائما للقاء الله"
أوضح الجندي، تصور حضرتك لو عندك كتاب غيب وعارف هتموت فين وأمتى، يعنى مثلا لو عارف إنك هتموت بعد سنتين فى المكان الفلانى الساعة كذا يوم كذا، حضرتك من النهاردة خلال السنتين دول هتلغى الطريق ده من حياتك خالص، ومع ذلك هتيجى وتنسى وتروح وهيحدث أمر الله.
وتابع، شوف بقى حجم الهم والكرب اللى هتكون فيه خلال السنتين دول اللى عارف إنك هتموت بعدهم.
تابعوا أخبار بلدنا اليوم على Google News
