علق الإعلامي محمد موسى، على ما تم تداوله خلال الساعات الماضية بين وراد التواصل الاجتماعي وتصدر تريند يطالب بإلغاء قائمة المنقولات الزوجية.
وقال محمد موسى خلال تقديم برنامج "خط أحمر" على قناة الحدث اليوم، الدنيا قامت ومقعدتش بعد بوست على فيسبوك كتب فيه واحد اسمه إسلام .. قال فيه ألف مبروك يا رجالة القايمة سقطت في مصر رغم إن ده كان مجرد كلمتين كان ممكن يعدوا بدون أي جدل .. لكن البوست ده لف السوشيال ميديا كلها .. واتحول الأمر إلى احتفالية بين الشباب اللي شايفين إن القايمة دي عائق كبير علشان جوازهم بسبب الالتزامات المادية اللي بتكون عليهم".
تابع، "كان فيه تباين في وجهات النظر .. البعض شايف إن القايمة دي ملهاش لازمة وسبب أعباء كبيرة على الراجل والست، ولاحظت تعليقات من فتيات كتير شايفين إن القايمة دي سبب أعباء على الطرفين لكن البعض شايف إن القايمة حق يحفظ البنت علشان لو حصلت مشاكل مع زوجها وهنا تظهر جدلية الحلال والحرام".
تابعوا أخبار بلدنا اليوم على Google News
