كواليس ساعات الرعب الأخيرة قبل غرق القبطان المصري في المحيط الهندي.. فيديو

الجمعة 22 يوليو 2022 | 10:29 مساءً
كتب : بلدنا اليوم

نشر الإعلامي محمد موسى كواليس ساعات الرعب الأخيرة قبل غرق القبطان المصري سامح سيد، في المحيط الهندي، مشيرا إلى أن القبطان سامح وثق اخترق المركب وإصابتها بثقب، لافتا إلى أن هناك محادثة بين سامح وشقيقته حكى خلالها تفاصيل غرق المركب وأن الوضع يزداد صعوبة، في بداية الامر كان يطمئنها لكن مع مرور الوقت الموقف كان بيزيد تعقيد، وكشف أن صاحب المركب هرب وتركه وقال لهم أمشوا ووصلوها السويس.. وقالها كلمة أخيرة: فقدنا الأمل، كلنا في مسلسل ومستنيين الحلقة الأخيرة".

وأوضح الإعلامي محمد موسى، أن محمود رجب أحد أصدقاء سامح نشر تفاصيل الحادثة وفق روايته وقال: إن سامح اشتغل على مركب تجارية سافرت بيه شهر 2 اللي فات وكان بيتواصل معاهم كل فترة، والشهر الماضي بعتلهم إن المركبة اتخرمت وبايظة والناس مش عاوزين ينزلوهم ومكملين بيهم وبيلحموا السفينة، وركبوا من اليابان وبعدين راحوا كوريا والصين لحد جزر المالديف والسفينة مخرومة".

تابع، بعد ساعة من غرق السفينة، وقع القبطان سامح من الزورق في المياه والموج أخده بعيد عن الزورق، وحاول صاحبه القبطان محمد جمال يلحقه بس للأسف البحر أخد الاتنين، كانوا لابسين لايف جاكيت وبعدوا عن المركب وبعد 10 ساعات من الحادث الزورق باظ وبعدها بساعتين السفينة جت أخدت الـ10 الفاضلين من الـ12 فردا اللي كانوا على الزورق، وسامح ومحمد مش موجودين".

أتم، "الرواية دي بتقول إن سامح كان لابس لايف جاكيت .. بس لو كان لابس لايف جاكيت وحتى في حالة غرقه كان هيظهر على سطح المياه.. لكن مظهرش .. فهل سامح مكنش لابس لايف جاكيت .. فيه ناس قالوا كده .. والأخطر من كده إن فيه ناس قالت ان سامح اترمى في المياه بعد ما دخل في مشادة مع طاقم المركب .. المعلومة دي بستند لمعلومة تانية مهمة كشفها أحد أصدقاء سامح لما قال إن الطاقم رجع واحد مصري تاني من الإسكندرية بعد المشاكل اللي عملها بعد المشكلة".

اقرأ أيضا