حسام حبيب يعلن تحضيره ردًا قانونيًا على ما قالته شيرين عبد الوهاب

أعلن المطرب حسام حبيب تحضيره ردًا قانونيًا على ما قالته المطربة شيرين عبد الوهاب.

جاء ذلك في تسجيل صوتي لبرنامج "et بالعربي"، حيث أوضح أن ما قالته شيرين كلام مرسل.

وأضاف: "مساء الخير، أكيد هيبقى طبعًا فيه إجراء قانوني، طبعًا زي ما إنت عارف أنا عمري ما دافعت عن نفسي وعمري ما اتكلمت".

وتابع: "طبعًا ده كلام كله مرسل، بس أنا الكلام اللي هرد بيه إن شاء الله، كلام كله بـdocuments، مش هقول كلام مرسل".

وأكمل: "كل حاجة دلوقتي بحضرها إن أنا كنت حفاظًا عليها وعلى سمعتها وعلى بيتها، يعني ماكنتش بتكلم، بس دلوقتي هتكلم طبعًا".

وواصل: "هضطر إني أتكلم، لأن الكلام بقى زيادة أوي، بس أنا كل اللي هعمله إن أنا مش هطلع أتكلم كلام مرسل، أنا هطلع أتكلم كلام بحقايق وبـdocuments".

وأوضح: "عشان أنا مابعرفش أقول كلام مرسل، لا أتحاسب عليه ولا أفتري على حد، هرد على كل حاجة هي قالتها بـdocument تثبت إن الكلام ده كله تهديد".

واستكمل: "أنا بأبتز عشان خاطر أسمع الكلام، ولو ماسمعتش الكلام هيحصل فيا كده، وأتهدد دايمًا بجمهورها، وإن هي هتعمل فيا كده".

وأردف: "وهي فعلًا بتحاول تعمل كده، أنا إجراءاتي قانونية إن شاء الله بإذن الله، وبرضو ردي في الإعلام هيبقى كله بـdocuments كله بحقايق".

وأتم: "علشان كده أنا مش مستعجل، انا بظبط دلوقتي إزاي هرد كل حاجة قانونًا وبالمستندات".

https://youtu.be/greo5ZMa9TA

يشار إلى أن المطربة شيرين عبد الوهاب كانت قد تحدثت في مداخلة هاتفية لبرنامج "كلمة أخيرة" مع الإعلامية لميس الحديدي عن أزمتها مع المطرب حسام حبيب.

يذكر أنها تناولت العديد من الأمور، تخص هذا الأزمة، ووضحت بعضًا منها.