عماد متعب: عودة رمضان صبحي للأهلي صعبة.. ولو مكانه مستحيل اسيب النادي

أكد النجم عماد متعب، لاعب المنتخب الوطني والنادي الأهلي السابق، أن رمضان صبحي لم يطلب منه التوسط للعودة إلى النادي الأهلي، قائلا: "متكلمتش مع رمضان صبحي في الموضوع نهائيا، والكلام مش هيفيد بحاجة ومحستش أنى مكالمتي هتعمل حاجة ومش بنتكلم في الكرة عامة".

ورد عماد متعب، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، عن رأيه في احتمالية عودة رمضان صبحي إلى الأهلي قائلا: "عودة رمضان للأهلي ترجع لمجلس الإدارة ولكن موضوع رجعوه هيبقى صعب بالنسبة لمجلس الأهلي وجمهور الاهلي لأن الجمهور كان بيحبه بشكل غير طبيعي".

وتابع: "رمضان صبحي كان بيتعامل بشكل مميز في الأهلي وكان بإمكانياته مهم وخد قرار انه يمشي واختار نادي غير الاهلي في مصر وده زعل الجمهور، واللي بيلعب في الاهلي مينفعش يسيب الأهلي، ومستحيل اسيب النادي الاهلي وأروح لنادي تاني لو مكانه".