عمرو أديب يكشف أكبر مفاجآت دراما رمضان.. ويوجه رسائل هامة للفنانين

وجه الإعلامي عمرو أديب، اليوم، رسالة إيجابية، للفنانة ياسمين عبد العزيز، من خلال برنامجه "الحكاية" المذاع على قناة "إم بي سي مصر".

قائلاً: انتى كوميديانة عبقرية وأرجوكي أوعى حد يقولك ان الممثل الكوميدي أقل درجة من التراجيدي، رأيي يا ياسمين ان انتى في إعلانك السنة دي مبهرة وفكرت انك لازم تعملي فوازير السنين اللى جاية، وانتى نجمة شباك وركزي في الكوميديا احنا محتاجينك".

عبقرية أحمد أمين ومي عز الدين

كما أضاف خلال البرنامج، ان "مسلسل "جزيرة غمام" باقف أمام أحمد أمين الراجل ده مش غير جلده لأ بقى ممثل تاني وعبقري وعامل شيء مرعب وكمان جوا المسلسل أحيي شجاعة مي عز الدين اللى رجعت تقدم اداء اسطوري وجيد جدا، وطارق لطفي نحطه علي جنب، ولكن احمد أمين مفاجأة ومي عز الدين مفاجأة مرعبة".

ندالة شريف سلامة

وتابع: "في مسلسل فاتن أمل حربي شريف سلامة لما اشوفه لازم اضربه ومشوفتش راجل ندل زيه، والناس مش متعاطفة مع نيللي كريم قد ما هي كارهه شريف سلامة، واللى بوظ صورة الرجالة في مصر شريف سلامة بالدور اللى عمله".

مربوحة الكبير أوي

وأشار: "مربوحة أو رحمة أحمد في مسلسل الكبير أوي، جت في نص ساعة الدنيا اتقلبت وكل الناس بتحبها وعلمتنا درس مهم ان مفيش حاجة اسمها حد لا يستبدل ولازم ندى الناس فرص، ومربوحة كسرت الدنيا وكل مصر ماتت من الضحك".

دور محمد ثروت

ولفت: "دور محمد ثروت في مسلسل نيللي كريم المحامي غير طبيعي وهايل السهل الممتنع الكوميديا اللى من غير كوميديا".