"خطبت بنت وعيني على أمها أعمل إيه"؟.. مبروك عطية يرد

من المعروف عن الدكتور مبروك عطية أن ردود أفعاله دائمًا مثيرة للجدل، وجاء له منذ ساعات قليلة على موقع التواصل الاجتماعي «فيسبوك»: «خطبت واحدة وعيني على أمها أعمل ايه؟».

ورد الدكتور مبروك عطية، عميد كلية الدراسات الإسلامية الأسبق بجامعة الأزهر الشريف، على هذا السؤال الذي وصفه بالإصفاف وقلة الحياء من قبل هذا الشاب.

مبروك عطية: مشكلة وواقع لا يستهان به

وقال الدكتور مبروك عطية، خلال بث مباشر عبر صفحته الرسمية، على موقع التواصل الاجتماعي «فيسبوك»: «الدكتور مبروك بيشوف موضوعات غريبة، دي مشكلة وواقع لا يستهان به، وأنا أشكر من سألني لأني هقوله على الصح.. الواد بيقولي خطبت واحدة مش مهتمة بيّ، ولا بتتكلم لكن أمها هى اللي مهتمة وبترحب بيّ وأروح البيت مبفكرش غير أمها.. بصراحة بقول لحضرتك عيني بقت على أمها».

وأضاف عطية: «أمها اللي بتجيبلي الأكل وتعملي القهوة وتساهرني وتسأل على أمي.. بتعملي كل حاجة.. مشكلة اجتماعية موجودة في الدنيا كلها».

وتابع عميد كلية الدراسات الإسلامية الأسبق: «وارد الكلام ده في المجتمع ده ولا مش وارد.. البنت عندها حياء.. عندها أدب.. ممكن توريك لما تتجوزها.. البنت طبعها الأصيل الكسوف.. هو يروح معاه حاجة مقالش عليها.. واخد حاجة لنسايبه.. ترد عليه أمها تقوله تسلم مجايبك وبنتا قاعدة زي الكرسي».

وأوضح مبروك عطية: «الولد عينه على أمها.. الحاجة دي ماما.. مينفعش تقعد قدام ابننا بنص كم، تبين السمانة وترفع الأكمام.. هو فيه نسوان مسلمة ترقص قدام عيالها!».

وتابع مبروك عطية: «فيه قاعدة فقهية عندنا واضحة وصريحة، الزواج من البنت يحرم الأم مطلقًا.. مجرد كتب كتابك على بنتها يحرم عليك أمها مدى الحياة، وحتى يوم القيامة حتى لو طلقت بنتها».