قال محمد صلاح، لاعب المنتخب المصري ونجم ليفربول، إن أحد أهدافه وهو خارج من مصر، أن يوصل صورة للناس أنه يمكنهم أن يحلموا ويحققوا حلمهم.
وعلق "صلاح" على الانتقادات التي توجه له قائلًا: "لما أقول كلمة خد الحلو منها، وسيب الوحش، بعمل لقاء عاوز الناس تستفيد منه بأي شىء، اللي بيتفرج واحد من اتنين، واحد عشان ينتقد وواحد عشان يستفيد، انتقادك ليا مش فارق معايا، حاول على قد ما تقدر خد اللي انت عاوزه واللي انت مش عاوزه ارميه في البحر، لو اتكلمت ساعة خد 5 دقايق إنت المستفيد، لو انتقدتني عشر ساعات مش فارق معايا".
وأضاف، خلال لقائه مع الفنانة إسعاد يونس في برنامج "صاحبة السعادة" المذاع على فضائية "dmc": "لو الأطفال شايفين إنهم يقدروا يوصلوا لهدفهم مش بس في الكرة في كل المجالات، يبقى أنا حققت هدفي".
وأردف صلاح: "من غير فلسفة، خدت وقت كبير وشغل كثير إني أبقى إنسان كويس قبل ما أبقى لعيب كويس، وعاوز أوصل للناس أمل إنهم يقدروا يحققوا اللي عاوزينه، أنا تعبت جدًا عشان أوصل للمكانة ديه كنت بتفرج بالساعات عشان أستفيد مش عشان أنتقد".
ولفت إلى أنه "يرى ناس كثيرة مثله لكن مقصرة في حق نفسها لو ركزت هتوصل للي عاوزاه".
وختم صلاح: "أتمنى الحلقة تفيد الناس وياخدوا منها لو حتة أد كده".
تابعوا أخبار بلدنا اليوم على Google News
