نادين: اعتزال الباليه أصعب عليا من الفن وزوجي لم يتدخل في القرار

قالت الفنانة نادين إن اعتزال الباليه أصعب من اعتزال الفن وكان أهون يقطعوا لى صباع وما اترك البالية .

وأضافت خلال لقاءها مع الإعلامى عمرو الليثى ببرنامج واحد من الناس على شاشة الحياة، أن رجوعها للفن بسبب مكالمة من الفنانة منى ذكى.

وقالت لى معايا فيلم وليكى دور مكتوب عليكى، وقولت ليها منى انتى مش واخده بالك أني اعتزلت من ١٧ سنة، فقالت لى اللى زينا مش بيعتزل، والكلمة دى هزتنى جدا، وقولت ليها لا قالت لى مفيش حاجة اسمها لا فكرى وارجعيلى تانى .

وتابعت نادين أن ابنها كان معاها في العربية وسامع الكلام وقالى يا ماما مين بيكلمك فقولت ليه دى منى ذكى قالى بتاعة تيمور وشفيقة وفوجئت انه بيشوف أفلام ومتابع وقلت له انا سيبت الفن علشانكم فقال لى واحنا بنقول ليكى ارجعى و تحدثت مع زوجى وقال لى انا لم اتدخل في قرار اعتزالك ولو عاوزه ترجعى ارجعى .