تصدر هاشتاج حمل اسم "#شعب_مصر_معاك_ياريس"، تريندات موقع كتابة التدوينات القصيرة "تويتر" في الساعات الأولى من صباح اليوم، وذلك بعد أن قال: "ما ينفعش الدولة تغيب تاني، لو غابت تاني، يبقى بتأجلوا التطوير 100 سنة، وأنا ما أقدرش أقبل كده، الناس هتبقى زعلانة ومتضايقة، لو مش عايزني أبقى موجود هنا ما عنديش مشكلة، مستحيل أبقى في مكان وأسيب الإصلاح بما يرضي الله"، خلال افتتاح عددًا من المشروعات القومية بمحافظة الإسكندرية.
إقرأ أيضًا.. اليوم.. تفاصيل افتتاح السيسي عدة مشروعات قومية بالإسكندرية
افتتح الرئيس عبد الفتاح السيسي، اليوم السبت، مجموعة من المشروعات القومية بنطاق محافظة الإسكندرية، منها مشروعات خاصة بقطاع البترول، وكذلك مشروع بشاير الخير ٢ للإسكان، ومحطة معالجة الصرف الثلاثية ببرج العرب، ومشروع تطوير محور المحمودية ومسجد الشهيد الفريق أول عبد المنعم رياض.
وحضر الافتتاحات الدكتور على عبد العال رئيس مجلس النواب والدكتور مصطفى مدبولي رئيس مجلس الوزراء وعددا من الوزراء والقيادات العسكرية.
بدأ الحفل بتلاوة مباركة من آيات الذكر الحكيم واستمع الرئيس السيسي لكلمات كل من المهندس طارق الملا وزير البترول والثروة المعدنية والدكتور على المصيلحي وزير التموين والدكتور خالد عبد الغفار وزير التعليم العالى والبحث العلمى والدكتور عاصم الجزار وزير الإسكان واللواء إيهاب الفار رئيس الهيئة الهندسية.
وأكد الرئيس السيسي أن مخالفات البناء تحد خطير تواجهه الدولة المصرية، مضيفا: "صدقونى البناء غير المخطط خطير جدا مش عاوز أقول بنفس النسبة لموضوع سد النهضة.. واللى واضح لينا موضوع الميه واللى مش واضح لينا هو التعدي على الأراضي الزراعية.. بدل ما تبنى في الأرض الزراعية فيه ظهير صحراوي، علشان ثقافة ولادنا يبقوا معانا ستدمر كثير من قدراتنا.. هو فيه حد ماشي بعربيته نقوله ادفع المخالفة بيبقى مبسوط لا بيبقى زعلان".
وقال الرئيس السيسي: "الموضوع ده مش مسئولية الحكومة والرئيس بس دى مسؤوليتنا كلنا أن إحنا نحافظ على بلدنا وننظم هذا الملف لأن الملايين بيتأثروا".
وأضاف الرئيس: "الموضوع شائك واى حد تاني يقول متدخلش في الكلام ده وسيب الإعلام يتكلم فيه، لا هتكلم في كل مصلحة ولن أبيع الوهم للناس تحت اعتبارات السياسة والحفاظ على الشعبية.. وعملنا كده في الاقتصاد وهو ده الرصيد اللى عدينا بيه.. أى عمل صالح حتى لو الناس مش راضية عنه أنا هعمله".
وتابع الرئيس: "انتوا هتتألموا منه انتوا مش عاوزين تساعدونى ليه ومٌصرين على مواقفكم بتحلموا ببلد كويسة ومنظمة ومترتبة وزى الفل، ولا كل واحد عاوز يعمل اللى هو عاوزه.. بنجيب مبنى يزال في التليفزيون حد بيتكلم عن شكل أعمق وأكبر ومدى التأثير الخطير على مصر نتيجة هذا التجاوز لكن مش بنهد مبنى وخلاص.. خاطب عقل الناس والناس من حقها تفهم أمنها ومستقبل أولادها".
وأكد الرئيس السيسي أن محور المحمودية سيعطي حرية حركة بالإسكندرية مضيفا: "دائما سنجد من يشككون في المشروعات التي ننفذها، فيه ناس بتتكلم بشكل سلبي عن الإجراء، كان فيه 30 مسجدا وتعديات أخرى ويقولوا بيهدوا مساجد ربنا، والله لا يرضي ربنا سبحانه وتعالى بس هما ميعرفهوش.. ويقولوا بيهدوا جوامع ربنا، شوف المصريين، إحنا، استغفر الله العظيم".
وقال الرئيس السيسي: يا رب تبقوا زينا في إن أنتوا تعملوا حساب ربنا أنتوا بتخربوا الشعوب وتدمروها وتدمروا الأمم وتضيعوها، جايين تتكلموا علينا لما بنبنى ونعمر هو ده المنظر اللى كنا بنتعاير بيه ويقول شوف المصريين وشوف فقرهم وخيبتهم عاملة إزاي".
وتابع الرئيس: إحنا بنفتتح وسعداء والبحيرة فيها 77 جامعا مخالفا على حرم الترعة، اللى عاوز يبني حاجة لربنا يسرق أرضه؟، دى سرقة".
ووجه الرئيس محافظ البحيرة لتدشين محاور على كل ضفة وإنشاء مساجد بديلة بنفس النمط، قائلا: "بشكرك وانا معاك والدولة معاك نعمل 4 محاور على كل ضفة ونعمل المساجد بنفس النمط ومساكن لأهلنا اللى اتعدوا لكن إحنا بنحاسب نفسنا التجاوز اللى تم إحنا ندفع تمنه مش الناس".
وأكد الرئيس السيسي أن الدولة لم تتخذ إجراءات حادة لمواجهة مخالفات البناء دون سابق إنذار.
وقال: مخدناش إجراء حاد في مخالفات البناء بدون إنذار إحنا قايلين الكلام ده من 3 سنين وادينا مهلة لنفسنا 6 شهور، وقلنا التصالح وكلام من هذا القبيل.
وأضاف الرئيس: حجم الناتج اللى اتعمل خلال الفترة السابقة 10 % أو أقل، وحصل تعدي خلال نفس الفترة أو يتجاوزهم.
وقال الرئيس السيسي إن هناك حملات تشكيك في كل المشروعات التي تقوم بها الدولة.
وأضاف الرئيس: في كل مشروعاتنا اللى بنعملها هتجدوا تشكيك وتجدوا ناس بتتكلم بشكل سلبي على اللي إحنا بنعمله، ولكن الهدف من هذه المشاريع هي المصلحة للكل، والقنوات المسيئة اللى عاوزه دايما تكلمكم كلام لا يرضى ربنا".
وأشاد الرئيس السيسي بجهد وزير التموين خلال السنوات الماضية، قائلا: " خلال الفترة الماضية لم يحدث أى نقص في أى سلع أساسية رغم تحدي أزمة كورونا كان طبيعى أن إحنا نتعرض لأزمة زى كده.. جهد وزارة التموين والدكتور على خلال الفترة الماضية مفيش أي نقص في السلع الأساسية حصل أو اختناق أو شكل من تسعير غير دقيق أو تلاعب في الأسواق".
وقال الرئيس السيسي إن المواطنين متألمون من إجراءات الدولة لضبط مخالفات البناء.
وأضاف الرئيس: المواطنون كتير منهم متألم ومضايق من موضوع إجراءات الدولة لضبط مخالفات البناء سواء الأراضى الزراعية أو بدون ترخيص، محدش بيتكلم في الموضوع ده كويس، ملهومش دعوة بيه، علشان محدش يزعل، وانا مش طبيعتى معاكم كده يا مصريين، إحنا قدامنا تحدى وطلعت قدامكم وقلتلكم التحدى ده خطير علينا والاستمرار عليه يدمر الدولة المصرية".
وأردف الرئيس: "كنتوا بتتكلموا وخايفين من موضوع سد النهضة، وصدقوني البناء غير المخطط والتعدي على الأراضى الزراعية خطير مش عاوز أقول بنفس نسبة سد النهضة، بس الناس مش شايفاه، والواضح لينا موضوع المية، واللى مش واضح لينا الاستمرار في التعدى على الأراضي الزراعية والبناء غير المخطط".
وتطرق السيسي للكلام المثار حول حجم الدين العام والخارجي، وقال: الاقتراض بأرقام ميسرة إلى حد كبير، لأن فيه كلام كتير بيتقال على الدين العام والخارجي وبالتالي محتاجين أننا نوضح للناس أن إحنا منقدرش نتوقف عن ده، مع الوضع في الاعتبار نقطة مهمة وهى إن قياسات الدين وإن كانت عالية ولكن جهدنا كدولة في ضبط هذا الدين وزيادة حجم الناتج القومي هيخليه داخل الحدود الآمنة.
وأضاف الرئيس: انتبهوا لتأثيرات كورونا على الدنيا كلها، ولو كانت الأمور مشيت طبقا للتخطيط حتى للدين".
وواصل الرئيس موجها حديثه لوزير المالية الدكتور محمد محمد معيط: "أتكلم في النقطة دي بتاع الدين لأن فيه كلام مش عاوزين نسيب الناس في مصر بيأثر سلبا على فهمهم.. إحنا يا نبنى بلد يا نتوقف".
وأكد الرئيس السيسي أن الفارق بين الإسكندرية الآن والعشرينيات من القرن الماضي كبير ولكن ليس إيجابيا.
وقال الرئيس السيسي: غابت الدولة.. وما ينفعش تغيب تانى.. يبقى تأجيل 100 سنة.
وأضاف: لو عاوزنى مش موجود هنا ما بقاش موجود.. أنا موجود يبقي الإصلاح.
كما وجه الرئيس عبد الفتاح السيسي عددا من الرسائل التحذيرية والأوامر الرئاسية خلال افتتاح مجموعة من المشروعات القومية بنطاق محافظة الإسكندرية، منها مشروعات خاصة بقطاع البترول، وكذلك مشروع بشاير الخير ٢ للإسكان، ومحطة معالجة الصرف الثلاثية ببرج العرب، ومشروع تطوير محور المحمودية.
وجاءت أبرز الرسائل والتكليفات بشأن مكافحة مخالفات البناء والتعدي على الأراضي كالتالي:
- أمر رئاسي للحكومة.. إما التصدي لمخالفات البناء أو ترك المسئولية.
- على كل أجهزة الدولة التصدي لمخالفات البناء.
- أمر وتكليف وتحدى واختبار للحكومة والجميع لوقف مخالفات البناء.
- على مسئولي الدولة التصدى للتعديات والمخالفات بمنتهى الحزم.
- لن أسمح باستمرار التعديات ومخالفات البناء.
- كل أجهزة الدولة مسئولة عن الحفاظ عن الدولة المصرية.
- لن أسمح أبدا إننا نهد بلدنا ونضيعها كده.
- نخلى الجيش المصري ينزل كل قرى مصر
- أسيب مكانى وأمشي ويجى حد تانى؟!
- لن أسمح أبدا باستمرار التعديات ومخالفات البناء على مستوى محافظات الجمهورية.
- المحافظ أو مدير الأمن الذي لا يستطيع الوقوف أمام تعديات البناء يترك مكانه.
كما وجه الرئيس عبد الفتاح السيسي التحية لجميع المصريين، وقال إن النتائج التى تحققها الدولة لا يمكن إنجازها في عشرات السنين، موجهًا التحية للمصريين على وعيهم وردود الأفعال على التطورات التى تتم وملف سد النهضة والحدود وكيف كان المصريون خائفون من أن نتورط في شيء لكن الشعب المصرى شعب منتبه وحريص على إنجازاته وأسجل احترامى وتقديرى لوعى المصريين.
وأضاف السيسي، خلال افتتاحه عددا من المشروعات القومية: "أقول للشباب تصدوا معنا بالوعى لكل القضايا، ومهم أن لا نتعجل في الحكم على قرارات تقوم بها الدولة لأنها قرارات مدروسة ولو كان حجم الإنفاق الذي صرفناه من 30 سنة على المدن الجديدة لما أنفقنا لمعالجة الأوضاع بالإسكندرية والقاهرة".
وقال الرئيس السيسي: "كثير من المعلقين كانوا يقولون لازمته أيه لأنه لم يدرس ولم يذاكر ما نتعرض له نحن نجابه بحالة من التشكيك، خاصة وأن لدينا مغرضين هم لا يريدون مصلحة بلدنا ولو قدروا يدمروها هيدمروها".
وأكد الرئيس السيسي، أن معدل التضخم في مصر معدل غير مسبوق ووصلنا إلى معدلات لم نصل لها من قبل وهو محصلة جهد المصريين لأنهكهم تحملتم المعاناة التى صاحبتها، وبمناسبة الأزمة التى نعيشها هناك الكثير من الدول بدأت في العودة للإجراءات الاحترازية، ووجه الكلام للمصريين: "نجاحنا لم يكتمل وأمامنا تحديات والشتاء قادم وأمامنا عام أن لم يكن أكثر".
إقرأ أيضًا..
كل يوم بتألم واتعذب.. السيسي يرد على المصريين بخصوص تعديات الأراضي
عاجل| لو مش عايزينّي موجود هنا معنديش مشكلة .. السيسي يحذر المصريين.. شاهد
تابعوا أخبار بلدنا اليوم على Google News
