تعرض الفنان الشاب كريم سرور لوعكة صحية شديدة ألمّت به مؤخرًا.
وكشف كريم سرور أنه لم يستطع التحرك من مكانه، كما وجّه رسالة عتاب لمن لم بسأل عنه، وكتب عبر حسابه الشخصي : "أنا كدة بقالى ٤ أيام حرفيا مش قادر اتحرك ولو روحت الحمام دي تبقى معجزة من عند ربنا وموارب باب الشقة عشان الديليفري بتاع الصيدلية أو المطعم لما ييجي يدخل علطول عشان مش هقدر بجد أقوم افتح الباب".
وأضاف كريم سرور : "المهم إني نزلت ستوري لعلاجي الكتير والحقن اللي باخدها وكتبت إني تعبان جداً ومعظم أصحابي عارفين إني عايش لوحدي.. الكوميديا كلها بقى إنه جالي ٣ مكالمات بالظبط من ناس هما اه أصحابي طبعاً لكن مش قريبين وبنتقابل كل فترة كبيرة.. وكام مسدج كدة من نوعية مالك يابني فيه ايه".
وأضاف:" ومش هنحسب الريبلايز بتاعة الستوري عشان ده هنعتبره مجرد كومنت كده وأنا مش هحسب الكومنتات إنها اهتمام أكيد، طب ليه أنا بكتب الكلام ده .. لإني فاكر كويس إن فيه فترات كنت شغال كتير ومنتشر والناس ساعتها كلها كانوا مهتمين أوي بيا .. فخر الشلة بقى ومع الوقت بتحصل تموجات وعلو وهبوط.. اللي مضايقني جداً جداً إن من ضمن ٣٤٠٠ شخص شافوا الاستوري يجيلي ٣ مكالمات ومش ناس قريبة أصلاً.. اللي هو فكرة إن حتى القريبين منك هيحبوك على أساس نشاطك الحالي مش لشخصك".
إقرأ أيضًا:
بسبب هذه الصورة.. نسرين طافش تتصدر الأكثر بحثًا على جوجل
تابعوا أخبار بلدنا اليوم على Google News
