هؤلاء أعلنوا تضامنهم مع البوركيني

تتعرض العديد من السيدات المححبات حول العالم للاضطهاد والعنصرية، و أحياناً يتم وصفهم بالإرهابيات لمجرد ارتدائهم للحجاب، وتتنشر هذه الظاهرة في العديد من الأماكن السياحية والشواطئ، التي تمنع نزول المحجبات في البحر ب "البوركيني" وهو مايوه المحجبات.

انتشر مؤخرا فيديو من داخل إحدى القرى بالساحل الشمالي، لسيدة غير محجبة تتشاجر مع أخرى داخل حمام السباحة، لأن الأخيرة ترتدي "البوركيني" وهو المايوه الخاص بالمحجبات، وتطور الشجار بينهم إذ قالت الأولى للأخيرة: "المايوة (البوركيني) ده مؤذي للعين"، لترد عليها، قائلة: "أنا بنزل بالمايوة ده في أمريكا، مش هاقدر أنزل بيه في بلدي؟، ده مش خلاف عشان خاطر المايوة، ده خلاف بسبب التقبل، أنتوا مش متقبيلن بعض".

وكان حولهم عدد من الرجال والسيدات الذين تضامنوا مع السيدة المرتدية للبوركيني.

نشر مصطفى حسن زوج السيدة المرتدية "البوركيني"، فيديو الواقعة عبر حسابه على "إنستجرام" و "فيسبوك"، قائلا:"الاختلاف كان عن المايوه الشرعي، أنا كنت بسمع الفترة اللي فاتت كتير عن الموضوع دة وظهرت السنين اللي فاتت بس كنت بسمع وبقول يا جماعة دة مش بيحصل في الحقيقة لحد ما اتعرضت له امبارح".

View this post on Instagram

طبعا كل الناس اللي عرفانى عارفة انى مش بتكلم او بعلق كتير على حاجة بس حصلت معايا النهاردة.. مشكلة انا شايف انها ماينفعش نسكت عليها عشان دى هتكون مثال لنا و لأخواتنا و زوجاتنا و لأجيال ورانا كتير ولازم الناس دى تتغير ويكون لها عقاب زي ما ابتدينا نتغير و نغير عقول ناس كتير و مرضى كتير فى مجتمعنا.. ده فى مثال واقعى حصل لمراتى النهاردة وانا معاها فى pool فى ستيلا الساحل لقيت سكان جايين يقولولها واحنا فى الماية ماينفعش تنزلى باللبس ده او بالمايوه ده !! قالت ليه بكل استغراب و خوف كما لو كانت عملت حاجة غلط . واحدة عندها شاليه زيها زي اى حد و ييجى ناس يقولوا لها اخرجى عشان انتى لابسة مايوه شرعى و مضايقة عيوننا بيه!!هنا كله لابس بيكينى او one piece وطبعا عشان ناس متتطلعش تقول Stella و نربط مسيحيين معانا أحب اقولك ان فيه بنات و شباب زي الورد مسيحين أكتر من مسلمين و كلهم واحد كانوا بيدافعوا عن مراتى و بيقولوا للناس دي انتو مرضى.. أنا شايف اللي حصل ده عنصرية زيهم زى اللي بيقولوا للي لابسة لبس قصير ماتلبسيش و أكيد دول اللي برده عندهم عنصرية اللون و الدين !!ياريت كل واحد يبقى فى حاله احنا فى #٢٠٢٠ يا ناس كفاية جهل . وفى فديو كمان عشان الناس تعمل share ويشوفوا بعينهم وانا اسف عشان فديو ١٠ دقائق ياريت اسمع آراءكم . Edit: انا والله مش قادر اصدق كم الناس اللي دخلت تدافع عن حق و عن منع العنصرية بجد مبسوط اوى مكنتش متخيل ان الموضوع هيسمع كدا بس الحمدلله ان الناس لسه بخير و بيدافعوا كدا شكرا بجد ليكوا كلكم ❤️ ، ارجو توضيح حاجة تانية يا جماعة موضوع عماد متعب حاجة تانية ملهاش دعوة بيا انا فى الساحل فى Stella وهو فى الجونة ارجو مندخلش المواضيع ببعضها و كابتن عماد متعب على مستوى الشخصى راجل بجد قمة الاحترام لكن الموضوعين مختلفين وشكرا . A post shared by mostafahassan10 (@mostafahassan10) on Jul 20, 2020 at 12:54pm PDT

طبعا كل الناس اللي عرفانى عارفة انى مش بتكلم او بعلق كتير على حاجة بس حصلت معايا النهاردة.. مشكلة انا شايف انها ماينفعش نسكت عليها عشان دى هتكون مثال لنا و لأخواتنا و زوجاتنا و لأجيال ورانا كتير ولازم الناس دى تتغير ويكون لها عقاب زي ما ابتدينا نتغير و نغير عقول ناس كتير و مرضى كتير فى مجتمعنا.. ده فى مثال واقعى حصل لمراتى النهاردة وانا معاها فى pool فى ستيلا الساحل لقيت سكان جايين يقولولها واحنا فى الماية ماينفعش تنزلى باللبس ده او بالمايوه ده !! قالت ليه بكل استغراب و خوف كما لو كانت عملت حاجة غلط . واحدة عندها شاليه زيها زي اى حد و ييجى ناس يقولوا لها اخرجى عشان انتى لابسة مايوه شرعى و مضايقة عيوننا بيه!!هنا كله لابس بيكينى او one piece وطبعا عشان ناس متتطلعش تقول Stella و نربط مسيحيين معانا أحب اقولك ان فيه بنات و شباب زي الورد مسيحين أكتر من مسلمين و كلهم واحد كانوا بيدافعوا عن مراتى و بيقولوا للناس دي انتو مرضى.. أنا شايف اللي حصل ده عنصرية زيهم زى اللي بيقولوا للي لابسة لبس قصير ماتلبسيش و أكيد دول اللي برده عندهم عنصرية اللون و الدين !!ياريت كل واحد يبقى فى حاله احنا فى #٢٠٢٠ يا ناس كفاية جهل . وفى فديو كمان عشان الناس تعمل share ويشوفوا بعينهم وانا اسف عشان فديو ١٠ دقائق ياريت اسمع آراءكم . Edit: انا والله مش قادر اصدق كم الناس اللي دخلت تدافع عن حق و عن منع العنصرية بجد مبسوط اوى مكنتش متخيل ان الموضوع هيسمع كدا بس الحمدلله ان الناس لسه بخير و بيدافعوا كدا شكرا بجد ليكوا كلكم ❤️ ، ارجو توضيح حاجة تانية يا جماعة موضوع عماد متعب حاجة تانية ملهاش دعوة بيا انا فى الساحل فى Stella وهو فى الجونة ارجو مندخلش المواضيع ببعضها و كابتن عماد متعب على مستوى الشخصى راجل بجد قمة الاحترام لكن الموضوعين مختلفين وشكرا .

وقال "مصطفى" خلال اتصال هاتفي ببرنامج "مساء dmc"، المُذاع على فضائية "dmc": "كنت قاعد أنا والمدام في البيسين عادي فجأة لقيت 5 أو 6 الجيران بيقولوا لمراتي اللبس دة مينفعش من فضلك أطلعي برا البيسين، لو عاوزة تنزلي بيه أنزليه في البحر".

وأضاف: "لما سمعت الكلام دة مصدقتش، ومراتي اتنرفزت جدا لأنه بوركيني معروف في أي حتة، خاصة أن فيه واحدة بوركيني بس مش لابسة حجاب، فأنا معرفش المشكلة في البوركيني ولا الحجاب، قالوا المايوه هي المشكلة، والمشكلة فرد الأمن جاي متنرفز عشان كنت بصور".

أثار الفيديو المنتشر على مواقع التواصل الاجتماعي غضب الكثيرين، وانتشر تريند "المايوه الشرعي مش مؤذي للعين".

وأعلن الكثير من المشاهير والنجوم تضامنهم مع "البوركيني" المايوه الشرعي، ومن ضمنهم السباحه سهير فرج، صاحبة أول أكاديمية لتعليم السباحة للسيدات فقط، وقالت أن البوكيني ليس من الملابس الممنوعة في السباحة، ولا توجد أية قوانين أن البوركيني ممنوع في المسبح.

ونشرت الفنانة إيمان العاصي، عبر خاصية القصص المصورة لحسابها بـ"انستجرام"، نسخة من رأي المصورة سلمى الكاشف التي ترفض فيه الاعتداء على حرية المحجبات، وأن هذا التصرف من قبل بعض إدارات الشواطئ والنوادي، مؤكدة أنه ليس لها الحق في مثل هذا التصرف وأن الحجاب حرية شخصية.

وعلقت على الصورة، قائلة: "حاجة في منتهى العنصرية والغباء بجد، مش من حق أي حد يفرض على أي بني آدم يلبس إيه وما يلبس إيه، طالما الخامات مطابقة للمواصفات، يبقى مش من حق حد يمنع أي حد، حاجة مستفزة جدًا بجد".

كما أعربت الإعلامية دعاء الفاروق عن غضبها من انتشار موجة الهجوم على المحجبات، ومنع بعض إدارات الشواطئ والنوادي من النزول بالبوركيني "المايوه الشرعي".

ونشرت "دعاء" منشور عبر حسابها الشخصي على"فيسبوك"، توجه فيه رسالة لمهاجمي البوركيني، وأعلنت تواجدها في إحدى القرى السياحية بالساحل الشمالي، وأن هذه القرية مملوكة لرجل أعمال مسيحي الديانة.

واعتذرت دعاء عن تطرقها للحديث عن الديانة ولكنها بررت هذا الأمر بمستوى الحرية الذي تشهده هذه القرية، مع تنوع فئات النزلاء والنزيلات بها واختلافهم بين محجبة وغير محجبة ومسلم ومسيحي، ولم يحدث أن اعترض أي شخص على وجود شخص مخالف له في الفكر أو العقيدة، أو أن تكون إدارة الشاطئ منعت المحجبات من التواجد عليه.

وتابعت: "البنات بالبكيني على البحر والشباب أحيانا بالبيرة واحنا بنكون في الشمسية اللي جنبهم، لا هم بيستعروا مننا علي أساس أن احنا بقينا عار بالنسبة لبعض المرضى، أو احنا متضايقين أبدا من وجودنا جنب بعض، الناس لطيفة بشكل يفرح، الراجل المسيحي باع الوحدات للمحجبات عادى ومفيش أي حمام سباحة ممنوع فيه النزول بالمايوه المقفول ابدا، مش بحب أسمي المايوه لا شرعي ولا بوركيني هو مايوه مقفول وخلاص، لا بقول عليه شرعي ولا عرفي هو مايوه بيغطي الجسم فقط ولا يمكن أي واحدة تقدر تقعد بيه في الشمس لأنها هتفطس من الحر لازم تنزل الماية عشان تستحمله".

وأضافت: "اللطيف بقى إني شوفت ست منقبة قاعدة على الشط أم لبنات وأولاد فيه منهم محجبات وفيه منهم غير محجبات وجنبنا البنات بالبيكيني وحاجة في منتهي الرقي اللي في الدنيا، محدش بيبص على حد أصلا، لا بتعالي ولا باحتقار ولا بتلصص ولا بأي طريقة، الناس مستمتعين بالبحر وحمامات السباحة مع أهلهم وأصحابهم، بمناسبة الواقعة العجيبة اللي حصلت في مكان ما في الساحل مش متأكدة من اسمه، ومش فارق معايا الأسماء المهم التصرفات التي تصدر من ناس بيقولوا علي نفسهم أنهم شيك وكلاسي وكده، إيه يا ناس إيه اللي جرالكو؟ وإيه قصة أنتي مستأجرة ولا مالكة دى؟ ده الشاليه الصغير في الصف بتاع سيدى عبد الرحمن بيتأجر بـ ٣٠٠٠ و٤٠٠٠ جنيه في الليلة الواحدة وفي الفيلل بأرقام خيالية هتدفع كل ده وتيجي تستخسر في المايوه اللي علي جتتها، ما تظبطوا كده وأنتم بتتكلموا وتحسنوا الملافظ والأخلاق عشان بقت بظرميط خالص".

وواصلت: "الناس عاوزة تروح تتبسط يا هادمي اللذات يا عديمي المفهومية يا بتوع جر شكل مخاليق ربنا، تعالوا اتعلموا من الناس اللطيفة اللي احنا قاعدين في وسطهم، ناس كُمًل وذوق، والأهم أنهم راقيين أصل الرقي له ناسه مش باللبس يا حبايبي لا بالأخلاق، تعرفوها الأخلاق دى ولا معدتش عليكم؟ هي معدتش عليكم عارفين ليه؟ لأن الأخلاق بتقول أننا نخلينا في حالنا وما نحشرش نفسنا في شؤون غيرنا، الأخلاق بتقول أننا ما نضايقش حد طالما هو في حاله ومجاش ناحيتكم، الأخلاق يعني نضحك في وش الناس ونصبح ونمسي عليهم ونساعدهم لو احتاجونا، وأضعف الإيمان مالناش دعوة بيهم، مش نكدرهم بمنتهى السئالة والرخامة والتناحة، ما أراه هي تناحة منقطعة النظير ودخول في هدوم الناس، حضرتك يا هانم داخلة في هدومي وده شيء سئيل قوي لدرجة لزجة عشان أنا لو بصيت على هدومك هتتشنجي وتتعوجي وتقولي أصلها بتبص عليا، احنا آخر همنا بقى نبص عليكي إنما أنتي يا ريتك بتبصي بس لأ ده أنتي حشرتي نفسك في فتلة مايوه لازق في جسمي يا رخمة منك ليها".

وأوضحت دعاء: "يا جماعة أنتم محتاجين تأهيل نفسي وتربية من أول وجديد، يا جماعة أنتم محتاجين كورسات تفهمكم حقوقكم وواجباتكم، ورقة واكتبي ورايا يا ست الكل، لا يحق لي أن أتدخل في شؤون الآخرين بدون وجه حق عشان عيب يا ماما بصي قدامك ومالكيش دعوة بحد عشان عيب، يمكن ماما نسيت تقولك أنه عيب كده ومالكيش دعوة بحد يا حبيبتي وما تتدخليش في اللي مالكيش فيه عشان عيب سمعتي عن حاجة اسمها العيب؟! معلش كان الله في العون نعذرها يمكن نسيت تفكرك، عيب تروحي لناس في حالهم مبسوطين تضايقيهم عشان لابسين مايوه مقفول معلش كان بودنا نجاملك ونقلع بس مش هينفع عندنا شوية مبادىء وفروض وقناعات منعانا ما طلبناش من حد إنه يعملها بس بنطلب من حضراتكم أنكم تسيبونا في حالنا وما لكوش دعوة بينا ".

واختتمت موجهة رسالة للمحجبات: "يا بنات يا محجبات يا لطيفات يا جميلات يا قمرات يا مؤدبات يا راقيات معلش يا حبايبي الناس دول مش كتير هم شوية ناس مزعجين مش فاهمين، أعرضوا عن الجهلة يا حبايبي وادوهم ضهركم وما تردوش على حد طالما أنتم موجودين في مكان مسموح فيه المايوه المقفول يبقى اللي مش عاجبه يخبط راسه في أي حاجة عشان مفيش حيطان في شواطيء ربنا، بالنسبة للأماكن اللي بتمضي الناس علي الالتزام بعدم ارتداء مايوه مقفول هم مش كتير بناقصهم، وطالما فيه محجبات ارتضوا ومضوا علي القواعد دى خلاص براحتهم وربنا يسعد سعيد بسعيدة، المهم أنا مبسوطة بجيراني الحلوين المسيحيين والمسلمين غير المحجبات والمحجبات حيث مفيش فرق نهائي، تحية لكل الراقيين في بلومار وفي معظم شواطيء مصر وتحية لكل الناس الراقيين بشكل عام".

كما علق علي غنيم، عضو مجلس إدارة الاتحاد المصري للغرف السياحية، على الجدل المُثار حول منع ارتداء "البوركيني" في حمامات السباحة أو البحر، قائلا: "الموضوع ده أثير أكتر من مرة وغرفة الفنادق تصدت للظاهرة دي، وبعتت منشور لكل القرى والفنادق بالسماح بنزول السيدات بالمايوه الشرعي".

وأضاف "غنيم"خلال اتصال هاتفي ببرنامج "مساء dmc"، المذاع على شاشة قناة "dmc": "المانع الوحيد هو مخالفة التعليمات الصادرة من وزارة السياحة بارتداء الملابس المخالفة ولكن طالما أن مايوه حريمي معتمد ومسموح له، كما أن المايوه الشرعي مسموح بارتداءه في جميع القرى والفنادق السياحية".

وأكد عضو مجلس إدارة الاتحاد المصري للغرف السياحية، أنه سيكون هناك إجراء حازم لمن يعترض على هذا القرار، وتقديم شكوى لغرفة الفنادق والتي من شانها أخذ إجراء وقائي قوي جدا مع وزارة السياحة.

و"البوركيني" هو لباس خاص للسباحة للمحجبات، مكوّن من تلت قطع بلوزة بأكمام طويلة وسروال وغطاء للرأس.

وقالت مصممة البوركيني الاسترالية "عاهدة زناتي"، أنها لم تصنعه ليكون رمزاً للإسلام، ولم تقصد أن تفرق بين المسلمة وغير المسلمة، وقد قصدت فقط أن تجعل بعض الفتيات والسيدات مرتاحات في ملابسهن أثناء ممارسة الرياضة.

ويستمر الجدال حول أحقية ارتداء المايوه الشرعي "البوركيني" للمحجبات...

في دول أجنبية:

في ألمانيا، اشتعلت الآراء حول البوركيني، إلى أن رفعت محكمة ألمانية الحظر الذي فُرضَ على البوركيني، بسبب منع ارتداء هذه الملابس في حمامات السباحة التابعة لمدينة كوبلنز الغربية، وقال المسؤولون إن ذلك الزي "يجعل من المستحيل التحقق مما إذا كان مرتديها يعانون من جروح أو أمراض مفتوحة".