في واحدة من أبشع القضايا التي قدمت لمحكمة الأسرة والتي تضمنت دعوى خلع من زوجة ضد زوجها بسبب أنه يبيع جسده لراغبات المتعة الحرام من السائحات، حيث أكدت الزوجة أمام محكمة الأسرة بمدينة نصر: "وزجي بيبيع جسمه للستات، وبيأكلني أنا وأطفال حرام".
وقالت الزوجة أمام محكمة الأسرة: "منذ أن تزوجت حلمت أن أبني بيتي طوبة فوق طوبة، وكان يربطني أنا وجوزي مودة وحب ورحمة، وكان ملتزم وأخلاقه عالية جدا، بس بعد شهور من جوازنا اتضحلى إني كنت مخدوعة فيه، وإن ده مش وجهه الحقيقي".
وأضافت الزوجة أمام محكمة الأسرة بمدينة نصر: "بعد شهور قليلة من زواجي عرفت إنه كان بيشرب مخدرات بعد ما اترفد من شغله، وقاعد ٢٤ ساعة فى البيت، رافض يدور على شغل، كنت أنا وابني بموت من الجوع، وكنت بروح بيت أهلي عشان آكل من هناك حاجة تسد جوعنا".
وأوضحت الزوجة: "كنت ديما أرجع في كلامي لو فكرت أني أطلق، كنت خايفة على ابني، وكل مرة كنت بحاول أهدي نفسي وأفضل ادعي ربنا يهديه، وحاولت كتير أساعده يبطل مخدرات بس كل مرة كنت بفشل فى ده، بعد كده لقيت الوضع اتصعب عليا، وروحت لأهلي".
وتابعت الزوجة أمام محكمة الأسرة: "بعد ٣ شهور وأنا فى بيت أهلي، والدت زوجي جت وقالتلي إنه اتغير وبدأ يشتغل، ورجعت البيت لما جه ياخدني وكان كل يوم ينزل بعد المغرب ويرجع الفجر، وقالي إنه اشتغل فى فندق كبير مسئول حسابات، وبعد كده اكتشفت طبيعة شغله بالصدفة وحسيت بعدها بصدمة عمري ماتخيلتها".
وأضافت الزوجة: "اهتميت بتربية ابني، كنت بستغرب من الفلوس الكتير اللي بيقبضها، ومن طريقة معاملته معايا، حتي وقت العلاقة طريقته اتغيرت، حاولت أفهم إيه التغيير اللي حصل بس مكنتش أتوقع إن جوزي الراجل المحترم يوصل لكده، وفي يوم كان نايم وبالصدفة ابني بيلعب فى تليفونه فتح فيديوهات مستخبية، بشوفها لقيت جوزي مع ستات فى أوضاع مؤرفة، صرخت وروحت رميت التليفون فى وشه".
وختمت الزوجة في دعواها: "بعد ما شوفت الفيديوهات وصرخت قام مرعوب طلبت الطلاق وأخدت ابني ومشيت، حاول يرضيني كتير بس أنا مقدرش أستأمن نفسي مع واحد زي ده، فلوسه حرام وعيشته حرام".
أقرأ أيضا..
قضايا محكمة الأسرة.. زوجة تُشهر بزوجها على مواقع التواصل الاجتماعى
"اتجوز عرفي عليا".. زوجة تقيم دعوى قضائية ضد زوجها
زوجة بمحكمة الأسرة: "زوجي صورلي فيديوهات مخلة وعرضها على راغبى الدعارة"
تابعوا أخبار بلدنا اليوم على Google News
